تۇركىستان وبلىسىندا بيىل 180 نىساننىڭ قۇرىلىسى جۇرگىزىلۋدە

تۇركىستان وبلىسىندا بيىل 180 نىساننىڭ قۇرىلىسى جۇرگىزىلىپ جاتىر. ونىڭ ىشىندە، 52 جاڭا نىسان بولسا، 128-ءى – وتپەلى نىساندار. ناقتىراق ايتقاندا، 2 اكىمشىلىك عيماراتىنىڭ، 17 ءبىلىم نىسانىنىڭ، «كەلەشەك مەكتەپتەرى» ۇلتتىق جوباسى اياسىندا 16 نىساننىڭ، 4 دەنساۋلىق ساقتاۋ نىسانىنىڭ، 19 مادەنيەت نىسانىنىڭ، 26 سپورت نىسانىنىڭ قۇرىلىسى قولعا الىنعان. ودان بولەك، اۋىل شارۋاشىلىعى سالاسىندا – 4, اباتتاندىرۋ سالاسىندا – 1, ينجەنەرلىك ينفراقۇرىلىم سالاسىندا – 54, «تۇران» اەا ينجەنەرلىك ينفراقۇرىلىم جۇيەلەرى سالاسىندا – 4, الەۋمەتتىك سالادا – 1, تۇرعىن ءۇي قۇرىلىسى سالاسىندا 32 نىساننىڭ قۇرىلىسى جۇرۋدە. جىل قورىتىندىسىمەن 104 نىساندى پايدالانۋعا بەرۋ جوسپارلانسا، قالعان 76 نىساننىڭ قۇرىلىسى 2026 جىلى اياقتالماق. بۇگىنگى تاڭدا 68 نىساننىڭ قۇرىلىس جۇمىستارى اياقتالعان. قالعان 36 نىساندى جىل سوڭىنا دەيىن پايدالانۋعا بەرۋ كوزدەلۋدە.

وڭىردە تۇرعىنداردى باسپانامەن قامتۋ باعىتىندا اۋقىمدى شارالار قابىلدانۋدا. وسى ماقساتتا جالپى اۋدانى 132,5 مىڭ شارشى مەتردى قۇرايتىن كرەديتتىك 2138 پاتەرلى 30 تۇرعىن ءۇيدىڭ قۇرىلىسىنا بيۋدجەتتەن ءتيىستى قارجى ءبولىنىپ، تولىق پايدالانۋعا بەرىلدى. سونىمەن قاتار 176 پاتەرلى 4 ارەندالىق تۇرعىن ءۇيدى پايدالانۋعا بەرۋ جوسپارلانعان. اتاپ ايتقاندا، تولەبي اۋدانىندا 3 تۇرعىن ءۇي، جەتىسايدا 1 تۇرعىن ءۇي جىل سوڭىنا دەيىن ەل يگىلىگىنە بەرىلەدى. ودان بولەك، وبلىس اۋماعىندا 578 ارەندالىق پاتەر ساتىپ الۋ جوسپارلانىپ، بۇگىنگى تاڭدا 180 پاتەر ساتىپ الىندى. قالعان 398 پاتەر جوسپارعا سايكەس جىل سوڭىنا دەيىن ساتىپ الىنباق. سونداي-اق 2015 پاتەرلى كرەديتتىك تۇرعىن ءۇي ساتىپ الۋ كوزدەلگەن. قازىرگى ۋاقىتتا 1 720 پاتەر ساتىپ الۋعا كەلىسىمشارتتار ءتۇزىلىپ، كەنتاۋ قالاسى مەن سايرام ادانىندا 108 پاتەر ساتىپ الىندى. ال، تۇركىستان، كەنتاۋ، ارىس قالالارى مەن ورداباسى، جەتىساي اۋداندارىندا تۇرعىن ۇيلەر سالىنۋدا.

وبلىستا ينجەنەرلىك-ينفراقۇرىلىممەن قامتۋ ماقساتىندا بيىل 29 نىساندى پايدالانۋعا بەرۋ جوسپارلانىپ، بۇگىنگى تاڭدا 11 نىسان پايدالاۋعا قابىلداندى. قالعان 18 نىسان جىل سوڭىنا دەيىن پايدالانۋعا بەرىلەدى.

نىسانداردىڭ قۇرىلىسى بارىسى تۇركىستان وبلىسى اكىمى نۇرالحان كوشەروۆتىڭ ءجىتى باقىلاۋىنا الىنعان.