ۇلىتاۋ وبلىسىندا 2026 جىلعى قاڭتار–ناۋرىز ايلارىنىڭ الەۋمەتتىك-ەكونوميكالىق دامۋ قورىتىندىسىندا بارلىق نەگىزگى كورسەتكىش بويىنشا وڭ ديناميكا بايقالادى. سونىڭ ىشىندە رەسپۋبليكالىق رەيتينگتە ءوڭىر ەكى كورسەتكىش بويىنشا ەڭ جوعارى ناتيجەگە قول جەتكىزدى.
اتاپ ايتقاندا، ءوڭىر قۇرىلىس جۇمىستارى كولەمىنىڭ ءوسۋى بويىنشا ءبىرىنشى ورىندى يەلەندى. ءۇش اي ىشىندە قۇرىلىس كولەمى 26,5 ملرد تەڭگەگە جەتىپ، وتكەن جىلدىڭ سايكەس كەزەڭىمەن سالىستىرعاندا 2 ەسەگە ارتتى (210%).
بۇل ءوسىم ونەركاسىپتىك نىساندار مەن الەۋمەتتىك ينفراقۇرىلىم قۇرىلىسىنىڭ قارقىن الۋىمەن تىعىز بايلانىستى. ناتيجەسىندە وڭىردە ەكونوميكالىق بەلسەندىلىك ساقتالىپ، جاڭا جۇمىس ورىندارى قۇرىلۋدا.
قۇرىلىس سالاسىنداعى وڭ ديناميكاعا بىرقاتار فاكتورلار اسەر ەتتى. اتاپ ايتقاندا، ءىرى ينفراقۇرىلىمدىق جوبالاردىڭ جۇزەگە اسۋى، تۇرعىن ءۇي جانە تۇرعىن ەمەس عيماراتتار قۇرىلىسىنىڭ جاندانۋى، سونداي-اق قۇرىلىس ماتەريالدارى ءوندىرىسىنىڭ ارتۋى مەن جەكە كومپانيالاردىڭ بەلسەندىلىگى ەرەكشە ءرول اتقاردى.
سونىمەن قاتار، نەگىزگى كاپيتالعا سالىنعان ينۆەستيتسيالار كولەمى 40 ملرد تەڭگەنى قۇراپ، وتكەن جىلمەن سالىستىرعاندا 75%-عا ءوستى. بۇل كورسەتكىش بويىنشا ۇلىتاۋ وبلىسى رەسپۋبليكالىق رەيتينگتە ءۇشىنشى ورىنعا تۇراقتادى.
بۇل – ءوڭىردىڭ ينۆەستيتسيالىق تارتىمدىلىعىنىڭ ارتىپ كەلە جاتقانىنىڭ جانە بيزنەس ءۇشىن قولايلى ورتا قالىپتاسقانىنىڭ ناقتى كورىنىسى.
بۇگىندە وبلىستا ينۆەستيتسيالىق جوبالاردى ىسكە اسىرۋ، ينفراقۇرىلىمدى دامىتۋ جانە كاسىپكەرلىكتى قولداۋ باعىتىندا جۇيەلى جۇمىستار جالعاسۋدا. الداعى كەزەڭدە دە جاڭا وندىرىستەردى ىسكە قوسۋ جانە ينۆەستيتسيا كولەمىن ارتتىرۋ ارقىلى ءوڭىر ەكونوميكاسىنىڭ تۇراقتى ءوسىمى قامتاماسىز ەتىلمەك.
