Maqtaaral belsendisi Nurjamal Remetova prezıdentke óz usynysyn joldady

5277
Adyrna.kz Telegram

Maqtaraldaǵy qoǵam belsendisi Nurjamal Remetova prezıdentke óz usynysyn  joldady.

QR Prezıdenti Q.Toqaevtyń nazaryna!

QR Úkimet basshysy A.Mamınniń nazaryna!

Túrkistan oblysy ákimi Ó.Shókeevtiń nazaryna!

Meniń bılikke qoıar bes talabym bar:
1. Shuǵyl túrde Maqtaaral aýdanynda qurylys brıgadalary qurylyp, sý basqan úılerdi qalpyna keltirýmen sol brıgadalar aınalyssyn.
2. Turǵyn úılerdi qalpyna keltirýmen aınalysatyn brıgadalar ózge jaqtan qurylysshy alyp kelýshi bolmasyn. Eginderin sý basyp, sonyń saldarynan kúnkórisinen aırylǵan turǵyndar qurylysqa jumysqa alynsyn. Qurylysqa jumyldyrylǵan turǵyndarmen kelisimshart jasalyp,jalaqy zańdy túrde tólensin. Onyń mólsherin  eń tómengi jalaqy 42500 teńgege tirep qoımaı, laıyqty túrde eńbekaqy tólensin.
3. Arys qalasyndaǵy sııaqty munda da ár oblys qaıta qalpyna keltirýmen aınalysatyn bolsa, onda olar jumysshyny jergilikti turǵyndardan alsyn. Óıtkeni ózge óńirden kelgen jumysshylarǵa jatyn jaı, tamaqqa qosymsha qarajat ketedi.
Jergilikti turǵyndardy jumysqa alý bir jaǵynan qarjyny únemdese, bir jaǵynan sý apatynan zardap shekken turǵyndar úshin ýaqytsha bolsa da kúnkóris kózi bolady.
4. Eń birinshi kezekte turmysy tómen otbasylar men kópbalaly otbasylardyń úıleri men múlikteri qalpyna keltirilsin.
20-30 gektarlap sýarmaly jerleri bar azamattardan buryn 2-3 gektar sýarmaly jeri bar otbasylardyń egistigine tólem tólensin.
5. Arystaǵydaı shý shyqpaý úshin, aýyl turǵyndarynyń búlingen úıi men múlkin saraptaıtyn komıssııa quramyna tek bılik ókilderi men solardyń tóńiregindegi qoǵamdyq uıymdar ǵana kirmeı, jergilikti qoǵam belsendileri de qatystyrylsyn.

(belsendiler tizimin qurýǵa kómek bere alamyn)

 

 

Pikirler