Türkıstan oblysy: Ordabasy audanynda jaŋa farmasevtikalyq käsıporyn ıske qosyldy

Ordabasy audany, Badam auyldyq okrugıne qarasty Qarabastau auylynda «Daryn-2030» farmasevtikalyq öndırıstık käsıporny aşyldy.

Zamanaui talaptarǧa sai jabdyqtalǧan nysan klinikalyq-bakteriologiialyq zerthanalarǧa arnalǧan medisinalyq reagentterdı öndıruge baǧyttalǧan. Mūnda «qorektık ortaǧa arnalǧan defibrindelgen qoi jäne jylqy qany, zararsyzdandyrylǧan» jäne «qorektık ortaǧa arnalǧan inaktivtelgen jylqy sarysuy» syndy joǧary sapaly önımder daiyndalady.

Käsıporynnyŋ negızın qalauşy – 40 jyldan astam täjıribesı bar provizor, farmasevtika salasynyŋ bılıktı mamany Djuzenova Guliia Beksultanqyzy. Ol jaŋa öndırıs orny arqyly el medisinasyna sapaly otandyq önım ūsynudy jäne jergılıktı tūrǧyndar üşın jaŋa jūmys oryndaryn aşudy maqsat etken.

Nysannyŋ aşyluynda Türkıstan oblystyq mäslihatynyŋ töraǧasy Nūraly Äbışov qūttyqtau söz söilep, jaŋa käsıporynnyŋ el ekonomikasyna qosar ülesıne toqtaldy. Ol öŋırde osyndai innovasiialyq baǧyttaǧy jobalardyŋ arta tüsuı – memlekettıŋ industriialyq-innovasiialyq saiasatynyŋ naqty nätijesı ekenın atap öttı.

Audan äkımı Azat Oralbaev zamanaui nysannyŋ aşyluymen tūrǧyndardy qūttyqtady.

 «Memleket basşysynyŋ industriialyq-innovasiialyq damu saiasaty aiasynda elımızde joǧary tehnologiialy, importty almastyratyn önımderdı öndıruge basa nazar audarylyp keledı. Osy baǧyttaǧy bügıngı maŋyzdy qadam – audanymyzda osyndai bıregei öndırıstıŋ aşyluy. «Daryn-2030» serıktestıgınıŋ bastamasy – būl tek jaŋa jūmys oryndary ǧana emes, sonymen qatar otandyq medisina men densaulyq saqtau salasyn damytuǧa qosylǧan sübelı üles. Endıgı jerde şetelden äkelınetın önımder öz jerımızde, öz mamandarymyzdyŋ küşımen öndırıledı», – dedı audan basşysy.

Aralau barysynda zauyttyŋ öndırıstık üderısı men zamanaui tehnologiialardyŋ jūmysy köpşılıkke tanystyryldy.

Jaŋa farmasevtikalyq käsıporynnyŋ ıske qosyluy – öŋır ekonomikasyn ärtaraptandyru men medisinalyq salany damytu jolyndaǧy maŋyzdy bastama bolmaq.