رۇستەم اشەتاەۆ: توقاەۆ پەن ميرزيەەۆكە ساياسي قابىلەتتەرىن كورسەتەتىن العاشقى سىن كەلدى

1) سۋدى مولشەردەن تىس كوپ جيناعاننان.
2) ساپاسىز سوعىلعان قۇرىلىستان.
3) پروەكتىلىك قاتەلىكتەر. جەردىڭ تەگىستىگى دە، سۋدىڭ دەڭگەيى دە ءارتۇرلى. ەكى جاعىنىڭ تەرەڭدىكتەرىنىڭ ءارتۇرلى بولۋى، قابىرعاعا بەرىلەتىن قىسىمداردا ءارتۇرلى بولۋىنا اپارادى دەگەن ءسوز. ونى سپۋتنيكتىك فوتولاردان بايقاۋ ەشقانداي قيىندىق تۋعىزبايدى. ماماندار سۋ قويماسىنىڭ الەمدىك ستاندارتقا ساي ەمەس جانە ساپاسىز دارەجەدە سالىنعانىن ايتىپ وتىر.

سوندىقتان، بۇل جەردە وزبەكستان مەملەكەتى 100% كىنالى. ءارى، سۋمەن بىزدەردى كوبىرەك قىسىپ "رىچاك داۆلەنيا" جاسايمىن دەگەن جوسپارلارىن "اسىرا سىلتەپ" ورىندايمىن دەگەن امبيتسيالارىنىڭ جەمىسى.

بىرەۋلەر ايتىپ باستاپ جاتىر: "ويباي! بىزدەر سۋعا تاۋەلدىمىز. گازعا تاۋەلدىمىز. جىبەرمەي قويساشە؟ ارتىق جىبەرىپ جىبەرسەشە؟!" دەگەندەي اڭگىمەلەرىن.
ەكى جاقتىڭ دەلەگاتتارى، جاقىندا بولۋى مۇمكىن "ورتاق سۋ كوزدەرىن پايدالانۋ" شارتتارىن قايتا قاراۋ ماقساتىنداعى، ەكى جاقتى كەلىسىمدەرگە "بەس قارۋىن" اسىنىپ دايىندالىپ جاتقان بولار.
بۇل جەردە بىزدىكىلەرگە جالتاقتايتىن ەشتەڭە جوق. سورلايتىن شارۋالار سورلاپ بولدى ەندىگى. (بيىلدىققا سۋعا دەگەن مۇقتاجدىق جوق شىعار.  ءارى ءبارىبىر ديحاندار ەگىلگەن ونىمدەردى وتكىزەتىن جەر تاپپاي وتىر.)
شەكارا، ترانزيت سالىقتارىنىڭ باعاسىن، "قاجەتتى" دەڭگەيگە كوتەرىپ قويسا جەتكىلىكتى. وزبەگىڭ دە، قىرعىزىڭ دا، تاجىگىڭ دە سۋدى تەگىن بەرۋگە ءماجبۇر بولادى.
ويتكەنى، ولار اعىن سۋدى ءبىر جەردەن ءوندىرىپ جاتقان جوق. تەگىن اعىپ كەلىپ جاتقان سۋلاردى جولدان بىتەپ، اۋادان اقشا جاساعىلارى كەلدى. ەندى سونىڭ وپىعىن وزدەرى دە، وزگەلەرگە دە تارتتىرىپ وتىر.

مەن ەشكىمدى ايتاقتاپ وتىرعانىم جوق. بىراق، كەرەك جەردە مىنەزدە كورسەتىپ قويعان دا دۇرىس بولادى دەپ ەسەپتەيمىن. وزبەكستانمەن اراداعى  حالىقارالىق نورمالاردى تولىق ورىنداۋدى مىندەتتەيتىن كەلىسىمدەردى شەگەلەپ الاتىن ۋاقىت كەلدى. سوندىقتان دا الداعى بولاتىن كەلىسىمدەر – ەكى ەلدىڭ پرەزيدەنتتەرىنە ساياسي قابىلەتتەرىن كورسەتەتىن العاشقى سىن بولماق.

رۇستەم اشەتاەۆ

"بايتاق بولاشاق" رەسپۋبليكالىق ەكولوگيالىق اليانسىنىڭ

شىمكەنت قالالىق توراعاسى