كوروناۆيرۋس جۇقتىرعان الماتى وبلىسىنىڭ اكىمى اماندىق باتالوۆ نۇر-سۇلتانداعى كارديولوگيالىق ورتالىقتا ەم الىپ جاتىر. سەبەبى اكىمدە ەنتىگۋ مەن جۇرەك جەتكىلىكسىزدىگى پايدا بولدى، - دەپ حابارلايدى "ادىرنا" Tengrinews.kz -كە سىلتەمە جاساپ.
بۇل تۋرالى وبلىس اكىمىنىڭ ورىنباسارى باتىرجان بايجۇمانوۆ ونلاين-بريفينگتە ايتتى.
"وزدەرىڭىز بىلەتىندەي، اماندىق عابباسۇلىدا كوروناۆيرۋس ءۇش اپتا بۇرىن انىقتالدى (22 ماۋسىم-اۆتور). ول ەمدەلدى، بىراق ەنتىگۋ مەن جۇرەك جەتىسپەۋشىلىگىنىڭ باستالۋىنا بايلانىستى دارىگەرلەر ونى نۇر-سۇلتان كارديولوگيالىق ورتالىعىنا جاتقىزۋ تۋرالى شەشىم قابىلدادى", - دەدى باتىرجان بايجۇمانوۆ.
سونداي-اق، ول قازىرگى ۋاقىتتا اكىمنىڭ جاعدايى جاقسارعانىن اتاپ ءوتتى.
"ول جەردە ەم الىپ جاتىر جاعدايى الدەقايدا جاقساردى. ول ۇنەمى سپورتپەن اينالىسادى، دەنساۋلىعى مىقتى. سوندىقتان جاقىن ارادا ول جازىلىپپ، جۇمىسقا كىرىسەدى", - دەدى بايجۇمانوۆ.
ەسكە سالايىق، الماتى وبلىسىنىڭ اكىمى اماندىق باتالوۆتىڭ كوروناۆيرۋس جۇقتىرعانى 22 ماۋسىمدا حابارلانعان بولاتىن.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز