Koronavirus jūqtyrǧan Almaty oblysynyŋ äkımı Amandyq Batalov Nūr-sūltandaǧy kardiologiialyq ortalyqta em alyp jatyr. Sebebı äkımde entıgu men jürek jetkılıksızdıgı paida boldy, - dep habarlaidy "Adyrna" Tengrinews.kz -ke sılteme jasap.
Būl turaly oblys äkımınıŋ orynbasary Batyrjan Baijūmanov onlain-brifingte aitty.
"Özderıŋız bıletındei, Amandyq Ǧabbasūlyda koronavirus üş apta būryn anyqtaldy (22 mausym-avtor). Ol emdeldı, bıraq entıgu men jürek jetıspeuşılıgınıŋ bastaluyna bailanysty därıgerler ony Nūr-sūltan kardiologiialyq ortalyǧyna jatqyzu turaly şeşım qabyldady", - dedı Batyrjan Baijūmanov.
Sondai-aq, ol qazırgı uaqytta äkımnıŋ jaǧdaiy jaqsarǧanyn atap öttı.
"Ol jerde em alyp jatyr jaǧdaiy äldeqaida jaqsardy. Ol ünemı sportpen ainalysady, densaulyǧy myqty. Sondyqtan jaqyn arada ol jazylypp, jūmysqa kırısedı", - dedı Baijūmanov.
Eske salaiyq, Almaty oblysynyŋ äkımı Amandyq Batalovtyŋ koronavirus jūqtyrǧany 22 mausymda habarlanǧan bolatyn.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz