وسى ۋاقىتقا دەيىن حالىقتىڭ ءبىر ءمينيستىردى وسىنشالىق قولداعانىن كورگەن جوقپىن.
بۇل نەنى بىلدىرەدى؟
بۇگىنگە دەيىنگى 13 ءمينيستىردىڭ ءبىلىم سالاسىنىڭ "بوتقاسىن شىعارعان" رەفورمالارىنان كەيىن، ءبىلىم سالاسىن اياققا تۇرعىزىپ ەلدىڭ ءۇمىتىن قايتا وياتا باستاعان شاقتا.....
قۇدايعا شۇكىر! باعالاي بىلەتىن حالقىمىز بار ەكەن. ونىڭ باستاپ، جاساپ جاتقان ىستەرىنە حالىق ءوز باعاسىن بەرىپ جاتىر. ونىڭ بار ءىسىن تىزبەكتەمەي، تەك ءبىر كەزدەسۋىمدى ايتسام. ادامنىڭ ىسىنە – حالىق اينا.
بىلتىر ب.ساپارباەۆ مىرزا پرەمەردىڭ ورىنباسارى بولىپ تۇرعان شاقتا، شىمكەنت قالاسىندا ءبىراز مينيستىرلەرمەن كەلىپ، ۇلكەن جيىن وتكىزگەن. سول جيىندا مەن ءسوز الىپ، ء"بىلىم سالاسىن (مەكتەپ، بالاباقشا ت.ب) اكىمشىلىكتىڭ قۇزىرەتىنەن الىپ، تىكەلەي مينيستىرگە باعىناتىن ەتىڭىزدەر. ويتكەنى، كەيبىر تۋىنداعان ماسەلەلەردە ءمينيستىردىڭ قۇزرەتى اكىمشىلىككە جۇرمەي جاتادى. ءبىلىم ءبولىمىنىڭ باسشىلارىن تىكەلەي اكىم سايلاعاندىقتان، سول جەردىڭ ءبىلىم سالاسىنىڭ قىزمەتكەرلەرى تۇگەلدەي اكىمگە باعىنادى. سودان كەلىپ اكىم ءامىرى بەرسە بولدى، مۇعالىمدەر كوشە سىپىرىپ، ليستوۆكا تاراتىپ، ساناق جۇرگىزىپ جۇرەدى. ءبىر سالا ەكى باسشىلىققا باعىنعان سوڭ قاي ءىس وڭادى" دەپ ۇسىنىس بىلدىرگەنمىن.
مەنەن كەيىن ءسوز العان يبراحيم السەركە اعامىز وقۋشىلاردىڭ ميلارىن اشىتپاي، الىپپەنىڭ، انا ءتىلى وقۋلىقتارىنىڭ قايتارىلۋىن تالاپ ەتكەن بولاتىن.
سول كەزدە ايماعانبەتوۆ مىرزا حالىقتىڭ الدىندا ۋادە بەرگەن. تالاپتارىمىزدى زەرتتەپ، ناقتىلاپ، ايتىلعان ءۇش ۇسىنىسىمىزدى ورىنداۋعا ۋادە بەرگەن.
سودان بەرى ءبىر جىلعا جاقىندادى. ۋادەلەرى ورىندالا باستادى. ءبىلىم سالاسى جەرگىلىكتى اكىمشىلىكتىڭ قۇزرەتىنەن الىناتىن بولدى.
انا ءتىلى مەن الىپپە قايتارىلاتىن بولدى. حالىقتىڭ تالابىنا ساي جۇمىس جاساي باستادى.
ايتارىم...!
ازاماتتاردىڭ بارىندا قادىرىن ءبىلۋدى ۇيرەنسەك. ءمينيستىردىڭ سوڭىنا شىراق الىپ تۇسكەندەر، باستاعان جاقسى باستامالارىن سوڭىنا دەيىن جەتكىزۋىنە مۇمكىندىك بەرۋ كەرەكتىگىن قالايشا تۇسىنبەيدى؟ ويتكەنى، مينيستىرلىك ءدال قازىر ناعىز كەرەكتى باعىتقا قاراي جۇمىس جاساپ جاتىر ەمەس پە؟! فاكتىلەرىڭ بولسا جەر جۇتىپ كەتپەس، كەيىندە پايدالانۋعا بولادى عوي؟ ۇلتىڭنىڭ مۇددەسى جوعارى تۇراتىنىن تۇسىنە الار ما ەكەن؟
ءاي قايدام....!
قۋ پەندەشىلىك نە ىستەتپەيدى تاياز ويلىلارعا؟! ءتىپتى، ەشقانداي ديپلومى جوق بولسا دا، وسى مينيستر ءبىلىم سالاسىن ون جىل باسقارسا دا قارسى ەمەسپىن.
ويتكەنى، ء"تىلدىڭ" ەمەس، ءىستىڭ ادامى ەكەنىن دالەلدەپ جاتىر.
ىسكەر ازاماتتى ىعىستىرۋ كىمدەرگە كەرەك بولدى ەكەن؟
توتەنشە جاعداي باستالعالى جۇيەلى جۇمىس جاساي العان بىردەن-ءبىر مينيستىرلىك بولدى. "جاس بالانىڭ" ەل الدىندا قادىرىنىڭ ارتىپ، باسقالارعا ۇلگى بولا باستاعانىنان شوشىدى ما بىرەۋلەر؟!
ولار مۇنشالىقتى قولداۋ بولارىن ويلاماسا كەرەك. ەندىگى ويلاماي ىستەگەن ىستەرىنە وپىق جەپ تە وتىرعان بولار.
قازاق تەك ولگەننەن سوڭ باعالاۋدى ەمەس، ازاماتتاردىڭ بارىندا دا باعالاي الادى ەكەن!
بۇيتە بەرسە ايماعانبەتوۆ قازاقتىن فۋرگالوسى بولماسىنا كىم كەپىل؟ اياعى سونداي قولداۋعا ۇلاسسادا تاڭقالمايمىن.
ويتكەنى، ەندىگى جەردە ۇرپاقتىڭ تاعدىرىنا ەشكىمنىڭ بەي-جاي قاراعىسى كەلمەيدى.
حالىقتىڭ قولداۋىن ەسكەرىپ، پرەزيدەنتتە دۇرىس شەشىم قابىلدايدى دەپ ويلايمىن.
رۇستەم اشەتاەۆ،
جۋرناليست
