Osy uaqytqa deiın halyqtyŋ bır ministırdı osynşalyq qoldaǧanyn körgen joqpyn.
Būl nenı bıldıredı?
Bügınge deiıngı 13 ministırdıŋ bılım salasynyŋ "botqasyn şyǧarǧan" reformalarynan keiın, bılım salasyn aiaqqa tūrǧyzyp eldıŋ ümıtın qaita oiata bastaǧan şaqta.....
Qūdaiǧa şükır! Baǧalai bıletın halqymyz bar eken. Onyŋ bastap, jasap jatqan ısterıne halyq öz baǧasyn berıp jatyr. Onyŋ bar ısın tızbektemei, tek bır kezdesuımdı aitsam. Adamnyŋ ısıne – halyq aina.
Byltyr B.Saparbaev myrza Premerdıŋ orynbasary bolyp tūrǧan şaqta, Şymkent qalasynda bıraz ministırlermen kelıp, ülken jiyn ötkızgen. Sol jiynda men söz alyp, "Bılım salasyn (mektep, balabaqşa t.b) äkımşılıktıŋ qūzıretınen alyp, tıkelei ministırge baǧynatyn etıŋızder. Öitkenı, keibır tuyndaǧan mäselelerde ministırdıŋ qūzretı äkımşılıkke jürmei jatady. Bılım bölımınıŋ basşylaryn tıkelei äkım sailaǧandyqtan, sol jerdıŋ bılım salasynyŋ qyzmetkerlerı tügeldei äkımge baǧynady. Sodan kelıp äkım ämırı berse boldy, mūǧalımder köşe sypyryp, listovka taratyp, sanaq jürgızıp jüredı. Bır sala ekı basşylyqqa baǧynǧan soŋ qai ıs oŋady" dep ūsynys bıldırgenmın.
Menen keiın söz alǧan İbrahim Älserke aǧamyz oquşylardyŋ milaryn aşytpai, Älıppenıŋ, Ana tılı oqulyqtarynyŋ qaitaryluyn talap etken bolatyn.
Sol kezde Aimaǧanbetov myrza halyqtyŋ aldynda uäde bergen. Talaptarymyzdy zerttep, naqtylap, aitylǧan üş ūsynysymyzdy oryndauǧa uäde bergen.
Sodan berı bır jylǧa jaqyndady. Uädelerı oryndala bastady. Bılım salasy jergılıktı äkımşılıktıŋ qūzretınen alynatyn boldy.
Ana tılı men Älıppe qaitarylatyn boldy. Halyqtyŋ talabyna sai jūmys jasai bastady.
Aitarym...!
Azamattardyŋ barynda qadırın bıludı üirensek. Ministırdıŋ soŋyna şyraq alyp tüskender, bastaǧan jaqsy bastamalaryn soŋyna deiın jetkızuıne mümkındık beru kerektıgın qalaişa tüsınbeidı? Öitkenı, ministırlık däl qazır naǧyz kerektı baǧytqa qarai jūmys jasap jatyr emes pe?! Faktılerıŋ bolsa jer jūtyp ketpes, keiınde paidalanuǧa bolady ǧoi? Ūltyŋnyŋ müddesı joǧary tūratynyn tüsıne alar ma eken?
Äi qaidam....!
Qu pendeşılık ne ıstetpeidı taiaz oilylarǧa?! Tıptı, eşqandai diplomy joq bolsa da, osy ministr bılım salasyn on jyl basqarsa da qarsy emespın.
Öitkenı, "tıldıŋ" emes, ıstıŋ adamy ekenın däleldep jatyr.
Isker azamatty yǧystyru kımderge kerek boldy eken?
Tötenşe jaǧdai bastalǧaly jüielı jūmys jasai alǧan bırden-bır ministırlık boldy. "Jas balanyŋ" el aldynda qadırınıŋ artyp, basqalarǧa ülgı bola bastaǧanynan şoşydy ma bıreuler?!
Olar mūnşalyqty qoldau bolaryn oilamasa kerek. Endıgı oilamai ıstegen ısterıne opyq jep te otyrǧan bolar.
Qazaq tek ölgennen soŋ baǧalaudy emes, azamattardyŋ barynda da baǧalai alady eken!
Büite berse Aimaǧanbetov qazaqtyn Furgalosy bolmasyna kım kepıl? Aiaǧy sondai qoldauǧa ūlassada taŋqalmaimyn.
Öitkenı, endıgı jerde ūrpaqtyŋ taǧdyryna eşkımnıŋ bei-jai qaraǧysy kelmeidı.
Halyqtyŋ qoldauyn eskerıp, prezidentte dūrys şeşım qabyldaidy dep oilaimyn.
Rüstem Aşetaev,
jurnalist
Ūqsas jaŋalyqtar
