ءازىربايجان تەك قانا سوعىس الاڭىندا ەمەس، ديپلوماتيالىق مايداندا دا جەڭىسكە جەتىپ جاتىر. قالاي بولعاندا دا وسى سوعىسقا تىڭعىلىقتى دايىندالعانى كورىنىپ تۇر، ويتكەنى ارمەندەردىڭ ۇگىت-ناسيحاتى قاتتى دامىعانى سونداي، قادام باسقان سايىن وتىرىكتى شىنداي، شىندى سۋداي ەتىپ جەتكىزۋگە ابدەن ماشىقتانىپتى. ولاي بولۋى زاڭدى دا، ويتكەنى وقىتۋشىلارى گيبريدتىك سوعىستىڭ حاس شەبەرلەرى رەسەيلىكتەر عوي.
ايتقانداي، رەسەيدىڭ يدەولوگيالىق تىزگىنىن ۇستاپ وتىرعاندار وسى ارمەندەر. ولار تەك قانا باق وكىلدەرى ەمەس، باسقا دا سالالاردا، ساراپشىلار، كومەكشىلەر، اقىلشىلار ەسەبىندە رەسەي كەڭىستىگىن تۇگەلگە جۋىق جاۋلاپ العان ەكەن. كەزىندە ميكويانعا ارقا سۇيەگەن ميرزوياندار قازاق ينتەلليگەنتسياسىن تۇگەلدەي اتىپ-اسقاندا وسىنداي كرەملدىك مافياعا ارقا سۇيەگەنى ەندى بەلگىلى بولىپ وتىر. وعان دەيىن ول ءازىربايجاندى باسقارىپ، وندا دا تالايدى سورلاتقانى بەلگىلى بولدى.
ەندى ءازىربايجاندار گيانجى قالاسىن اتقىلاعانى ءۇشىن ىستەرىن ح/ا سوتقا دايىنداپ جاتسا، باردا قالاسىن اتقىلاعانى ءۇشىن دە ح/ا سوتقا بەرەتىن بولىپتى. ەو، باسقا دا قوعامدىق ۇيىمداردىڭ وكىلدەرىن بارداعا شاقىرتىپ، ارمەندەردىڭ نە ىستەگەندەرىن كورسەتۋدە. ح/ا Human Rights Watch ۇيىمى دا ارمەندەردىڭ بەيبىت قالالاردى اتقىلاۋدا كاسسەتتىك بومبالاردى قولدانعانىن قۋاتتاپتى. ال بۇل دەگەنىمىز اسكەري قىلمىس، جەنەۆا كونۆەنتسياسىن ورەسكەل بۇزۋ بولىپ تابىلادى.
ءازىربايجانداردىڭ بۇل ءىسى وتە قۇپتارلىق. ولاردى قادام باستىرماي ءاربىر ءىسىن فوتوعا، ۆيدەوعا ءتۇسىرىپ قۇنتتاپ وتىرماسا، ەرتەڭ سوتتا ولاردىڭ قىلمىسىن دالەلدەۋ مۇمكىن بولماي قالۋى مۇمكىن، سەبەبى باتىس ەلدەرى تۇگەلگە جۋىق ىشتەي ارمەندەردى قولداپ وتىرعانى انىق. ءازىربايجانداردىڭ سونداي-اق ءاربىر ۇرىس قيمىلدارىن، ولاردىڭ ەشقانداي دا بەيبىت قالالار مەن ءوندىرىس ورىندارىن، ينفراسترۋكتۋرالاردى بومبالاپ جاتپاعانىن كورسەتەتىن ۆيدەولار مەن باسقا دا ماتەريالداردى قۇنتتاپ جيناقتاپ، حاتتاپ جاتقاندارى بەلگىلى، ويتكەن ولاردى تەك سولاي عانا جەڭۋگە بولادى. مۇنى ءبىزدىڭ بيلىك ورگاندارى دا ەسكەرىپ وتىرۋى قاجەت دەگىم كەلەدى، كىم ءبىلىپتى الدا قانداي زامان كۇتىپ تۇرعانىن. ولاردى تەك وسىلايشا، ءوز ايتقاندارىن وزدەرىنە مويىنداتۋ ارقىلى عانا جەڭۋگە بولادى.
قۋانىش ەدىلحانتەگىنىڭ جازباسىنان.
فوتو اشىق دەرەككوزدەن الىندى.
