اسقازاننىڭ ءبىز بىلمەيتىن عاجابى بار

1568

اسقازان-ىشەك جولدارىنىڭ ادام تىرشىلىگىندە قانداي رول اتقاراتىنىن بىلەمىز: استى قورىتادى، سىڭىرەدى، ازىقتىق زاتتاردى ءسىڭىرىپ، قاجەتسىز قالدىقتاردى تىسقا شىعارادى دەپ جازادى «ادىرنا» ۇلتتىق پورتالى «اۋىرماڭىز!» گازەتىنە سىلتەمە جاساپ. دەگەنمەن ونىڭ ءبىز بىلمەيتىن ، ءبىلىپ، پايدالانار بولساق، كادەگە اساتىن تاعى دا بىرنەشە ايرىقشا قاسيەتتەرى بار ەكەن. تومەندەگى اڭگىمە سول جونىندە بولماق.

قارىن مايىن ازايتادى

ادام استى مۇقيات شايناۋ ارقىلى اسقازاننىڭ جۇمىسىن جەڭىلدەتەدى. بۇل كەزدە اس قورىتۋ جۇيەسىنىڭ باسقا بولىگى استى قورىتۋعا دايىندالادى، اسقازان قىشقىلىن بولەدى. ءاربىر تىستەلگەن قاتتى اس بولىگى كەمىندە 40 مارتە شاينالعانى جاقسى ەكەن. عالىمدار بۇعان زەرتتەۋ كەزىندە كوز جەتكىزگەن. وسىلايشا شاينالعان اس جاقسى قورىتىلادى، ادامدى دۇرىس تويىندىرادى، سەمىرتپەيدى، سىمباتىن ساقتايدى. ول قارىنعا ىركىلەتىن مايدى ازايتادى.

سىمباتقا دامدەۋىش تە سەبەپ

اسقازانداعى استى قورىتۋعا ءتۇرلى دامدەۋىشتەر، اسىرەسە ءزىمبىر مەن كۋركۋما جاقسى كومەكتەسەدى. ولار اعزانىڭ ءوتتى كوبىرەك بولۋىنە اسەر ەتەدى، ۇيقى بەزىنىڭ جۇمىسىنا جاردەمدەسەدى دەپ جازادى «اۋىرماڭىز!» گازەتى. سول ارقىلى ماي تەز ىدىراپ، ونىڭ دەنەگە ىركىلۋىنە كەدەرگى كەلتىرەدى. بۇل دا دەنە سىمباتىنا قىزمەت ەتەدى.

2 ليترگە جۋىق سۇيىق سيادى

اسقازان بوس كۇيىندە ونىڭ كولەمى كادىمگى ستاكاننىڭ بەستەن بىرىندەي عانا بولادى ەكەن. ال تاماق ىشكەن سوڭ ول 8 ستاكان كولەمىنە دەيىن ۇلعايادى. (اسقازانعا 1,9 ليتر سۇيىق سيادى). قىسقاسى، ونى وسى كولەمگە دەيىن تولتىرۋعا بولمايدى، زيانى تيەدى.

سىلەكەي ءدامدى كۇشەيتەدى

ادام اعزاسى كۇنىنە التى ستاكان سىلەكەي تۇزەدى ەكەن. سىلەكەيسىز ادام استىڭ ءدامىن سەزە، ونى شايناي، ءتىپتى جۇتا دا المايدى. ءتپىتى ونسىز سويلەۋ دە مۇمكىن ەمەس.

4-5 كۇندە جاڭارادى

اسقازان اس قورىتۋ ءۇشىن كوپ مولشەردە تۇز قىشقىلىن بولەدى. بۇل اسا كۇشتى سۇيىقتىق اسقازان-ىشەك جولدارىنىڭ كىلەگەي قاباتىن دا «جەپ» قويا الادى. سوندىقتان اسقازان ونى ءاربىر ءتورت-بەس كۇن سايىن جاڭارتىپ وتىرادى ەكەن.

اەروبتى جاتتىعۋلار جاساڭىز

مۇمكىن بولسا، تاماق ءىشىپ بولعاسىن ءبىر ساعاتتان سوڭ اەروبتى جاتتىعۋلار جاساعان اسقازانعا جاقسى. ول قۇرساق اۋماعى بۇلشىق ەتتەرىن جاتتىقتىرادى، ولاردىڭ جيىرىلۋ-جازىلۋ قاسيەتىن كۇشەيتەدى دەپ جازادى «اۋىرماڭىز!» گازەتى. ول استى دۇرىس قورىتادى، كەرى قايتارمايدى.

«قىشقىل رەفلەكسىنە» ءمان بەرىڭىز

كەيدە اسقازانداعى استىڭ كەرى تەبۋى قىجىل ارقىلى ەمەس، سۋىقتاۋ كەزىندەگىدەي تاماق پەن وكپەدە اۋىرسىنۋ پايدا بولۋى ارقىلى دا بىلىنەدى. مۇندايدا دارىگەرگە كورىنىپ، ءتيىستى ەم قابىلداۋ قاجەت.

تەرەڭ تىنىس العان كومەكتەسەدى

«قىشقىل رەفلەكسى» كەزىندە تاعايىندالعان كەيبىر پرەپاراتتار تۇز قىشقىلىنىڭ تۇزىلۋىنە كەرى اسەرىن تيگىزەدى، ال ول اسقازان جۇمىسىن بۇزۋى مۇمكىن. مۇندايدا ديافراگمانى جاتتىقتىراتىن تىنىس الۋ جاتتىعۋلارىنىڭ ماڭىزى زور. ول سيمپتومداردى جەڭىلدەتەدى، پرەپاراتتارعا تاۋەلدىلىكتەن قۇتقارادى. تەرەڭ تىنىس الۋ ىشكە ەنەتىن ۋاۋ كولەمىن ازايتىپ،اسقازاندى وڭەشپەن جالعايتىن سفينكتەر اۋماعىنداعى بۇلشىق ەتتەردى كۇشەيتەدى، بۇل اسقازان ءۇشىن اسا پايدالى.

سترەستەن ساقتانىڭىز

قۇرساق اۋماعىنداعى اسقازان-ىشەك جولىنداعى كوپتەگەن جۇيكە قوسىلىستارى ورتالىق جۇيكە جۇيەسىمەن تىكەلەي بايلانىستى. گەر ادام سترەسسكە ۇرىنسا، بۇل كەزدە مي اسقازاندى قانمەن قامتۋىن بىردەن تەجەيدى، ودان «ءىش بۇزىلۋلارى» پايدا بولادى. ودان قۇتىلۋ ءۇشىن ادام سابىر ساقتاپ، ۇستامدى بولۋى كەرەك، سترەسسكە قارسى پرەپاراتتار قابىلداعانى ءجون.

...مىنە،اسقازاننىڭ ءبىز بىلمەيتىن وسىنداي ەرەكشە قاسيەتتەرى بار ەكەن. ونى ءبىلىپ، ەستە ساقتاي ءجۇرىڭىز.

 

 

فوتو اشىق دەرەككوزدەن الىندى.

 

پىكىرلەر
رەداكتسيا تاڭداۋى
باسقا ماتەريالدار