Asqazannyń biz bilmeıtin ǵajaby bar

1566

Asqazan-ishek joldarynyń adam tirshiliginde qandaı rol atqaratynyn bilemiz: asty qorytady, sińiredi, azyqtyq zattardy sińirip, qajetsiz qaldyqtardy tysqa shyǵarady dep jazady «Adyrna» ulttyq portaly «Aýyrmańyz!» gazetine silteme jasap. Degenmen onyń biz bilmeıtin , bilip, paıdalanar bolsaq, kádege asatyn taǵy da birneshe aıryqsha qasıetteri bar eken. Tómendegi áńgime sol jóninde bolmaq.

Qaryn maıyn azaıtady

Adam asty muqııat shaınaý arqyly asqazannyń jumysyn jeńildetedi. Bul kezde as qorytý júıesiniń basqa bóligi asty qorytýǵa daıyndalady, asqazan qyshqylyn bóledi. Árbir tistelgen qatty as bóligi keminde 40 márte shaınalǵany jaqsy eken. Ǵalymdar buǵan zertteý kezinde kóz jetkizgen. Osylaısha shaınalǵan as jaqsy qorytylady, adamdy durys toıyndyrady, semirtpeıdi, symbatyn saqtaıdy. Ol qarynǵa irkiletin maıdy azaıtady.

Symbatqa dámdeýish te sebep

Asqazandaǵy asty qorytýǵa túrli dámdeýishter, ásirese zimbir men kýrkýma jaqsy kómektesedi. Olar aǵzanyń ótti kóbirek bólýine áser etedi, uıqy beziniń jumysyna járdemdesedi dep jazady «Aýyrmańyz!» gazeti. Sol arqyly maı tez ydyrap, onyń denege irkilýine kedergi keltiredi. Bul da dene symbatyna qyzmet etedi.

2 lıtrge jýyq suıyq sııady

Asqazan bos kúıinde onyń kólemi kádimgi stakannyń besten birindeı ǵana bolady eken. Al tamaq ishken soń ol 8 stakan kólemine deıin ulǵaıady. (Asqazanǵa 1,9 lıtr suıyq sııady). Qysqasy, ony osy kólemge deıin toltyrýǵa bolmaıdy, zııany tıedi.

Silekeı dámdi kúsheıtedi

Adam aǵzasy kúnine alty stakan silekeı túzedi eken. Silekeısiz adam astyń dámin seze, ony shaınaı, tipti juta da almaıdy. Tpiti onsyz sóıleý de múmkin emes.

4-5 kúnde jańarady

Asqazan as qorytý úshin kóp mólsherde tuz qyshqylyn bóledi. Bul asa kúshti suıyqtyq asqazan-ishek joldarynyń kilegeı qabatyn da «jep» qoıa alady. Sondyqtan asqazan ony árbir tórt-bes kún saıyn jańartyp otyrady eken.

Aerobty jattyǵýlar jasańyz

Múmkin bolsa, tamaq iship bolǵasyn bir saǵattan soń aerobty jattyǵýlar jasaǵan asqazanǵa jaqsy. Ol qursaq aýmaǵy bulshyq etterin jattyqtyrady, olardyń jıyrylý-jazylý qasıetin kúsheıtedi dep jazady «Aýyrmańyz!» gazeti. Ol asty durys qorytady, keri qaıtarmaıdy.

«Qyshqyl refleksine» mán berińiz

Keıde asqazandaǵy astyń keri tebýi qyjyl arqyly emes, sýyqtaý kezindegideı tamaq pen ókpede aýyrsyný paıda bolýy arqyly da bilinedi. Mundaıda dárigerge kórinip, tıisti em qabyldaý qajet.

Tereń tynys alǵan kómektesedi

«Qyshqyl refleksi» kezinde taǵaıyndalǵan keıbir preparattar tuz qyshqylynyń túzilýine keri áserin tıgizedi, al ol asqazan jumysyn buzýy múmkin. Mundaıda dıafragmany jattyqtyratyn tynys alý jattyǵýlarynyń mańyzy zor. Ol sımptomdardy jeńildetedi, preparattarǵa táýeldilikten qutqarady. Tereń tynys alý ishke enetin ýaý kólemin azaıtyp,asqazandy óńeshpen jalǵaıtyn sfınkter aýmaǵyndaǵy bulshyq etterdi kusheıtedi, bul asqazan úshin asa paıdaly.

Stresten saqtanyńyz

Qursaq aýmaǵyndaǵy asqazan-ishek jolyndaǵy kóptegen júıke qosylystary ortalyq júıke júıesimen tikeleı baılanysty. ger adam stresske urynsa, bul kezde mı asqazandy qanmen qamtýyn birden tejeıdi, odan «ish buzylýlary» paıda bolady. Odan qutylý úshin adam sabyr saqtap, ustamdy bolýy kerek, stresske qarsy preparattar qabyldaǵany jón.

...Mine,asqazannyń biz bilmeıtin osyndaı erekshe qasıetteri bar eken. Ony bilip, este saqtaı júrińiz.

 

 

Foto ashyq derekkózden alyndy.

 

Pikirler
Redakııa tańdaýy
Basqa materıaldar