شىمكەنت قالاسىنىڭ باس يمامى باقداۋلەت ابدراحمانوۆ ورازا ايىنىڭ ءبىرىنشى كۇنى كوروناۆيرۋسقا قارسى ۆاكتسينا سالدىردى. باس يمامنىڭ يگى ءىسىن قولداي كەلگەن ءبىر توپ ءدىني قىزمەتكەر دە قالالىق №13 ەمحانادا ينفەكتسياعا قارسى ەكپە سالدىردى. بۇل تۋرالى قالالىق دەنساۋلىق ساقتاۋ باسقارماسى حابارلادى.
ۆاكتسينا ادام بالاسىنا قاجەت ازىق نەمەسە اعزاعا قۋات بەرەتىن دارۋمەن ەمەس ەكەنىن ايتقان قالانىڭ باس يمامى ادام دەنەسىنە ينەمەن ەكپە ەگۋ ورازانى بۇزبايتىنىن اتاپ ءوتتى.
«قۇرمەتتى مۇسىلمان جاماعات! قاسيەتتى رامازان ايىنىڭ ءبىرىنشى كۇنى ءوزىمنىڭ جانە حالىقتىڭ دەنساۋلىعى ءۇشىن الاڭداپ، الداعى ۋاقىتتا جاعداي جاقسارسىن دەگەن جاقسى نيەتپەن ءبىر توپ يمام بولىپ ۆاكتسينا سالدىردىق. الداعى ۋاقىتتا جاعدايىمىز جاقسارىپ، قالىپتى ومىرگە كەلۋى ءۇشىن جۇمىلا كۇرەسۋىمىز كەرەك. مەشىتتەر اشىلىپ، قۇلشىلىق عيباداتىمىزدى جاساساق. رامازان ايىندا جاساعان بارشا امالدارىڭىز قابىل بولسىن»، - دەيدى قالانىڭ باس يمامى.
ايتا كەتەيىك، شىمكەنت قالاسىنداعى مەشىتتەردە 260-قا تارتا يمام بار. جەرگىلىكتى ءدىني قىزمەتكەرلەردىڭ بارلىعى ورازا ايىندا كوۆيدكە قارسى ۆاكتسينا سالدىرۋدى جوسپارلاپ وتىر.
شىمكەنت قالاسى اكىمدىگىنىڭ ءباسپاسوز قىزمەتى
