ۆاكتسينا سالعاندارعا كوپتەگەن جەڭىلدىكتەر قاراستىرىلادى - تسوي

3076
Adyrna.kz Telegram

تسوي ۆاكتسينا سالدىرعان جاندارعا بىرقاتار جەڭىلدىكتەر قاراستىرىلاتىنىن ايتتى، دەپ حابارلايدى "ادىرنا" ۇلتتىق پورتالى.

باس سانيتاردىڭ قاۋلىسى بويىنشا، ۆاكتسينا سالعاندارعا كوپتەگەن شەكتەۋلەر الىنىپ تاستالادى ەكەن.

"ۆاكتسينا سالدىرعاندار قاتارىنىڭ وسۋىنە بايلانىستى، قازاقستاننىڭ باس سانيتارى شىعارعان قاۋلىعا سايكەس، ۆاكتسينانىڭ ەكى كومپونەنتىن دە العان ازاماتتار ءۇشىن بىرقاتار شەكتەۋ الىنىپ تاستالدى. كوروناۆيرۋسقا قارسى ۆاكتسينانىڭ تولىق كۋرسىن العاندار قازاقستان ازاماتتارى جانە قازاقستان اۋماعىندا تۇرۋعا ىقتيارحاتى بارلار اۋە قاتىناسى ارقىلى پتر تەستىنسىز قازاقستان اۋماعىنا كىرە الادى، مەديتسينالىق-الەۋمەتتىك نىساندارعا بارا الادى، وبلىستىق كوماندالاردى دايىنداۋ ءۇشىن وقىتۋ-جاتتىقتىرۋ جۇمىستارىن جاڭعىرتا الادى", - دەدى الەكسەي تسوي.

سونداي-اق ءمينيستردىڭ مالىمەتىنشە، ۆاكتسينا سالعانداردان پتر-تەستتە تالاپ ەتىلمەيدى

"ۆاحتاعا كەلگەن قىزمەتكەرلەردەن، مەديتسينالىق-الەۋمەتتىك مەكەمەدە راسىمدەۋ جانە ەمدەلۋگە جاتقىزۋ كەزىندە ناۋقاستاردان، مەرزىمدى اسكەري قىزمەتكە شاقىرىلعانداردان جانە مەرزىمدى اسكەري قىزمەتتەن كەيىن دەموبيليزاتسيالانعانداردان، قاج مەكەمەلەرىنە تۇسكەندەردەن، توپتاسقان ۇجىمدارعا باراتىن ادامداردان، اۋرۋعا بايلانىستى جۇمىس ورنىندا بولماعان نەمەسە دەمالىس، ءىسساپاردان كەلگەن مەديتسينا قىزمەتكەرلەرىنەن، تاجىريبە الدىندا مەديتسينالىق جوو مەن مەديتسينا كوللەدجى ستۋدەنتتەرىنەن پتر تەستىلەۋ ناتيجەلەرى تالاپ ەتىلمەيدى", - دەپ مالىمدەدى مينيستر.

"ادىرنا" ۇلتتىق پورتالى

پىكىرلەر