مەملەكەت باسشىسى قاسىم-جومارت توقاەۆ قىرعىزستانعا قازاق حالقىنىڭ اتىنان گۋمانيتارلىق كومەك كورسەتۋگە شەشىم قابىلدادى، دەپ حابارلايدى «ادىرنا» ءتىلشىسى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا جازدى.
«قىرعىز رەسپۋبليكاسىمەن اراداعى ءداستۇرلى دوستىق، وداقتاستىق جانە ستراتەگيالىق سەرىكتەستىك قاعيداتتاردى باسشىلىققا الا وتىرىپ، قاسىم-جومارت توقاەۆ باۋىرلاس قىرعىز ەلىنە قازاقستان حالقىنىڭ اتىنان گۋمانيتارلىق كومەك كورسەتۋگە شەشىم قابىلدادى. كورشى مەملەكەتكە 10 مىڭ توننا ۇن جىبەرىلەدى. ۇكىمەت مەملەكەت باسشىسىنىڭ تاپسىرماسىن ورىنداۋعا كىرىسىپ كەتتى»،– دەدى ول.
«ادىرنا» ۇلتتىق پورتالى
