قوستانايدا ەرىكتىلەر 70-تەن استام ەسىرتكى جارناماسىن بويادى

1857
Adyrna.kz Telegram
فوتو kstnews.kz سايتىنان الىندى
فوتو kstnews.kz سايتىنان الىندى

بۇل قوستاناي وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ەرىكتىلەرمەن بىرلەسىپ، التىنشى اۋقىمدى اكتسيانى وتكىزدى.

وعان وسى ماسەلەگە بەي-جاي قارامايتىن جانە سالاۋاتتى ءومىر سالتىن ناسيحاتتايتىن 15-تەن استام جاس قاتىستى.

- قوستاناي پوليتەحنيكالىق كوللەدجىندە ءبىر توپ جىگىت بەلسەندى جۇمىس ىستەيدى جانە پوليتسياعا ەسىرتكىگە بايلانىستى قۇقىق بۇزۋشىلىقتاردىڭ الدىن الۋ جۇمىستارىنا كومەكتەسەدى. ءبىز وسىنداي اكتسيالارعا قاتىسامىز. مەنىڭ ويىمشا، بۇل ماسەلەنىڭ قوعام ءۇشىن ماڭىزدىلىعىن كورسەتەدى", - دەيدى ستۋدەنت الەكساندر ەليزاروۆ.

ەسىرتكىمەن اينالىساتىندار ونى ساتۋدىڭ جاڭا تاسىلدەرىن ويلاپ تاۋىپ جاتىر. ولاردىڭ اراسىندا ەسىرتكى ساتىپ الۋ ءادىسىن جارنامالايتىن جازۋلار بار.

- جىل باسىنان بەرى پوليتسيا قىزمەتكەرلەرى قر قك-ءنىڭ 299-ءى-بابى "ەسىرتكى قۇرالدارىن، پسيحوتروپتىق زاتتاردى، پرەكۋرسورلاردى جانە ولاردىڭ انالوگتارىن ناسيحاتتاۋ، زاڭسىز جارنامالاۋ" بويىنشا ەكى فاكتىنى انىقتادى. ەڭ جوعارعى جازا – 6 جىلعا دەيىن باس بوستاندىعىنان ايىرۋ. قازىرگى ۋاقىتتا بۇل ءىس بويىنشا ەكى ايىپتالۋشى تەرگەۋدە. ولار قوستاناي قالاسىندا ەسىرتكى جارناماسى ءۇشىن ۇستالدى. جاستار تۇرعىن ۇيلەردىڭ قابىرعالارىنا جازۋلار جازعان، - دەدى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرى، پوليتسيا مايورى ايگۇل ەرادىلوۆا.

اكتسيا اياسىندا 70-تەن استام جازبا بويالدى. بۇل جۇمىس تۇراقتى نەگىزدە جۇرگىزىلەدى.

پىكىرلەر