سەيسەنبى كۇنى، 25 مامىردا ارمەنيانىڭ شەكارا ماڭىندا ءازىربايجان اسكەري كۇشتەرىنىڭ قاتىسۋىمەن اتىس بولدى، دەپ حابارلادى ارمەنيا قورعانىس مينيسترلىگى.
"25 مامىردا ساعات 14: 20-دا گەگاركۋنيك وبلىسىنداعى ۆەرين شورجا ەلدى مەكەنىنىڭ شەكارا ماڭىندا ەكى تاراپتىڭ قاتىسۋىمەن قارۋ قولدانۋ وقيعاسى ورىن الدى.", — دەلىنگەن حابارلامادا.
اتىستىڭ ناتيجەسىندە كەلىسىمشارت بويىنشا اسكەري قىزمەتىن وتەپ جۇرگەن ارمياندىق سەرجانت حۋرشۋديان قازا تاپتى. 12-13 مامىردا ءازىربايجان ارمياسىنىڭ ساربازدارى سيۋنيك جانە گەگاركۋنيك وبلىستارىنا كىرىپ كەتكەن. ارمەنيا وسىعان بايلانىستى ودكب-عا كومەك بەر دەپ جۇگىنىپ وتىر.
بۇعان دەيىن تاۋلى قاراباقتاعى بىتىمگەرشىلىك ميسسياسى مەن ارميان-ءازىربايجان شەكاراسىنداعى جاعدايدى ارمەنيا قورعانىس ءمينيسترىنىڭ مىندەتىن اتقارۋشى ۆاگارشاك ارۋتيۋنيان مەن قاراباقتاعى رەسەي بىتىمگەرشىلىك كونتينگەنتىنىڭ قولباسشىسى رۋستام مۋرادوۆ تالقىلاعان بولاتىن.
بەكبولات قارجان،
"ادىرنا" ۇلتتىق پورتالى
ۇقساس جاڭالىقتار
