«ابك-اۆتودور نس» جشس مەن «كازاحدورستروي» جشس اراسىنداعى اۆتوموبيل جولدارىن سالۋ جانە جوندەۋ قىزمەتتەرىن ساتىپ الۋ بويىنشا كونكۋرستارداعى باعالاردى قولداۋ بولىگىندەگى كارتەلدىك ءسوز بايلاسۋ فاكتىسى بويىنشا تەرگەپ-تەكسەرۋدى اياقتالدى، دەپ حابارلايدى قر باسەكەلەستىكتى قورعاۋ جانە دامىتۋ اگەنتتىگى نۇر-سۇلتان قالاسى بويىنشا دەپارتامەنتىنىڭ ءباسپاسوز قىزمەتى.
تەندەرلەردىڭ جالپى سوماسى - 14,6 ملرد تەڭگە.
«ابك-اۆتودور نس» جشس جانە «كازاحدورستروي» جشس مەملەكەتتىك ساتىپ الۋعا قاتىستى، ونىڭ ءبىرى ساتىپ الۋدى ەڭ جوعارى ىقتيمال باعا بويىنشا ءوتتى دەپ تانۋ ءۇشىن ەكىنشىسىنە جالعان باسەكەلەستىك تۋدىرعانى انىقتالدى.
سحەما بىلايشا جۇمىس ىستەدى: «ابك-اۆتودور نس» جشس جانە «كازاحدورستروي» جشس باسەكەلەستىك كۇرەس كورىنىستەرىنسىز، باستاپقى باعاعا تەڭ نە ەڭ از تومەندەتۋمەن باعانى ۇسىنا وتىرىپ، ءبىر-بىرىنە جالعىز باسەكەلەس بولدى. سۋبەكتىلەردىڭ ارەكەتتەرى مونوپولياعا قارسى زاڭنامانىڭ ەرەجەلەرىن بۇزىپ قانا قويماي، بيۋدجەت قاراجاتىن ۇنەمدەۋدى دە جويادى.
بۇل قۇقىق بۇزۋشىلىقتاردى مونوپولياعا قارسى ورگان مەملەكەتتىك ساتىپ الۋ پورتالى مونيتورينگىنىڭ قورىتىندىلارى بويىنشا انىقتادى. قازىرگى كەزدە تەرگەپ-تەكسەرۋلەر وبەكتىلەرى تەرگەپ-تەكسەرۋ ناتيجەسىنە سوتقا شاعىم جاساپ جاتىر.
