اقتوبە وبلىسى شالقار اۋدانى قوتىرتاس اۋىلىنداعى كلۋب ورتەندى دەپ حابارلايدى "ادىرنا" ۇلتتىق پورتالىنىڭ ءتىلشىسى.
وقيعا كەشە، 9 ماۋسىم كۇنى بولعان. ءورت كەشكى ساعات 18:37-دە باستالعان.
— حابار تۇسكەن بويىدا اۋداندىق ءورت ءسوندىرۋ بولىمىنەن 8 قىزمەتكەر مەن 2 تەحنيكا جەدەل تۇردە جىبەرىلدى. ءورت ءتورت ساعاتقا جۋىق ۋاقىتتا ءسوندىرىلىپ بولدى. قىزىل جالىن اۋماعى 187 شارشى مەتر جەردى قامتىعان، — دەيدى اقتوبە وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
زارداپ شەككەندەر جوق. قازىر ءورتتىڭ شىعۋ سەبەبى انىقتالىپ جاتىر. الدىن الا بولجام بويىنشا نايزاعاي تۇسكەن. سەبەبى سول كۇنى قاتتى جاۋىن-شاشىن بولعان. ءورت كلۋبتىڭ شاتىرىنان باستالعان.
شىعىن كولەمى انىقتالعاننان كەيىن، عيماراتتى قايتا قالپىنا كەلتىرۋ جۇمىستارى قولعا الىنباق.
"ادىرنا" ۇلتتىق پورتالى.
