Aqtóbe oblysy Shalqar aýdany Qotyrtas aýylyndaǵy klýb órtendi dep habarlaıdy "Adyrna" ulttyq portalynyń tilshisi.
Oqıǵa keshe, 9 maýsym kúni bolǵan. Órt keshki saǵat 18:37-de bastalǵan.
— Habar túsken boıyda aýdandyq órt sóndirý bóliminen 8 qyzmetker men 2 tehnıka jedel túrde jiberildi. Órt tórt saǵatqa jýyq ýaqytta sóndirilip boldy. Qyzyl jalyn aýmaǵy 187 sharshy metr jerdi qamtyǵan, — deıdi Aqtóbe oblystyq tótenshe jaǵdaılar departamentiniń baspasóz qyzmeti.
Zardap shekkender joq. Qazir órttiń shyǵý sebebi anyqtalyp jatyr. Aldyn ala boljam boıynsha naızaǵaı túsken. Sebebi sol kúni qatty jaýyn-shashyn bolǵan. Órt klýbtyń shatyrynan bastalǵan.
Shyǵyn kólemi anyqtalǵannan keıin, ǵımaratty qaıta qalpyna keltirý jumystary qolǵa alynbaq.
"Adyrna" ulttyq portaly.
