امەريكا قۇراما شتاتتارى Northrop Grumman B-21 Raider بومبالاۋشى ۇشاقتارىن جاسادى. بۇل جاڭا بۋىن ۇشاقتارىنان ەكى داناسى جاسالىپ، سىناققا دايىندالۋ ۇستىندە.
اقش اسكەري-اۋە كۇشتەرى جاڭا ۇشاقتاردى سىناۋعا دايىندالىپ جاتىر. ۆ-21 ءبىرىنشى ۇشۋ سىناعى 2021 جىلدىڭ ورتاسىندا بولۋى كەرەك. "B-21 ۇشاعىن جەتكىزۋ باعدارلاماسىنىڭ قارقىنى، سايىپ كەلگەندە، اقش اسكەري-اۋە كۇشتەرىنىڭ بولاشاقتا تەك B-21 ۇشاقتارىنان تۇراتىن بومبالاۋشىلار سانىن 157 ۇشاقتان 225-كە دەيىن كوبەيتۋ جوسپارىن بۇزۋى مۇمكىن", - دەيدى ساراپشىلار. سەبەبى ۇشاقتى جاساۋ قارقىنىنا پاندەميا اسەر ەتۋدە.
سونىمەن بىرگە B-1 جانە B-2 Spirit بومبالاۋشىلارى بىرتىندەپ پايدالانۋدان شىعارىلادى، B-52 ۇشاقتارى ەداۋىر مودەرنيزاتسيالاناتىن بولادى.
B-21 ۇشاقتارى اقش اۋە كۇشتەرى قولباسشىلىعىنىڭ قاجەتتىلىكتەرىن قاناعاتتاندىرۋ ءۇشىن ۇشاق ءوندىرىسىن جەدەلدەتۋ تۋرالى شەشىمدەر قابىلدانعان كەزدە قىزمەتكە كىرىسەدى. جاڭا ۇشاقتى ساراپشىلار "ماسكەۋدىڭ ۇرەيىنە" اينالادى دەپ اتاۋدا.
"ادىرنا" ۇلتتىق پورتالى
ۇقساس جاڭالىقتار
