قىتايلىق حيرۋرگتار ءوز پاتسيەنتتەرىنىڭ اراسىندا قۇلاقتىڭ ءپىشىنىن وزگەرتۋدى 2021 جىلى ەڭ تانىمال پلاستيكالىق حيرۋرگيا رەتىندە اتاپ ءوتتى. بۇل تۋرالى “ادىرنا” ۇلتتىق پورتالى حابارلايدى.
بۇل حيرۋرگيالىق پروتسەدۋرا، دارىگەرلەرگە ەلفتىڭ كورىنىسىن يميتاتسيالاۋ ءۇشىن قۇلاقتاردى تۇزەتۋگە جانە قايراۋعا مۇمكىندىك بەرەدى.
پاتسيەنتتەردىڭ ايتۋى بويىنشا، قۇلاقتىڭ بۇل فورماسى بەتتى كورنەكى قىپ كورسەتەدى، دەپ جازادى lenta.ru.
قىتايدا شىعىڭقى قۇلاق ساتتىلىكتىڭ، قۋانىشتىڭ بەلگىسى ەكەن.
بەلگىلى بولعانداي، ەلفالىق قۇلاق ءپىشىنىن ەڭ الدىمەن جەرگىلىكتى جەردىڭ تانىمال ادامدارى جاساتىپ، ونى ءارى قاراي تانىتقان.
گۋانچجوۋ قالاسىنداعى گاوشانگ مەديتسينالىق كلينيكاسىنىڭ دارىگەرى يۋي ۆەنلين كۇن سايىن وسىنداي التى وپەراتسيا جاسايتىنىن ايتتى.
كوبىنەسە قۇلاقتىڭ ءپىشىنىن گيالۋرون قىشقىلىن ەنگىزۋ ارقىلى وزگەرتەدى.
قىتايدا قۇلاقتىڭ قاجەتتى فورماسىن جاساتۋدىڭ ورتاشا باعاسى شامامەن 1500 دوللاردى قۇرايدى.
”ادىرنا” ۇلتتىق پورتالى
