ەۋروپاداعى جاۋىن-شاشىننىڭ كۇشتى بولعانى سونشالىقتى، قازىر ەۋروپانىڭ وزگە ەلدەرى دە توپان سۋدان قاتتى زارداپ شەگىپ جاتىر. مەملەكەت اراسىندا قاتىنايتىن پويىزداردىڭ ءبارى توقتاتىلدى.
گەرمانيانىڭ باۆاريا قالاسىندا قازىر توتەنشە جاعداي جاريالاندى. توپان سۋدان زارداپ شەككەندەر مەن قايتىس بولعانداردىڭ سانى ساعات ساناپ ارتىپ جاتىر. ال، جەرگىلىكتى قۇتقارۋشىلار ادامداردى قۇتقارۋعا مۇمكىندىكتەرى جەتپەۋدە.
چەحيانىڭ سولتۇستىك ايماقتارىندا قازىر سۋدىڭ مولشەرى مەتر كۆادراتقا شاققاندا 130 ليتردەن كەلىپتى. ال، گەرمانيادا بۇل كورسەتكىش 140 ليتردەن اسىپ كەتتى. سىرتقى ايماقتارمەن بايلانىس ءۇزىلىپ، درەزدەن – پراگا تەمىر جولى بۇگىن جابىلدى. ساكسوندىق شۆەيتساريا مەن قازىر چەحيانىڭ اراسىندا بايلانىس توقتاتىلدى.
ەۋروپا ەلدەرىنىڭ ىشىندە توپان سۋدان ەڭ اۋىر زارباپ شەككەن ەل - گەرمانيا بولىپ تۇر. جەرگىلىكتى ۇيلەر مەن نىسانداردىڭ اسا كوپ بولىگى زاقىمدالىپ، موزەل، ساار جانە رۋر گيدروەلەكتر ستانتسيالارى ىستەن شىقتى. گەرمانيا قازىر سىرتقى ەلدەردىڭ كومەك كۇشىنە ءزارۋ بولىپ وتىر.
"ادىرنا" ۇلتتىق پورتالى
