نۇر-سۇلتاندا 78 جاستاعى اناسىن قورلاعان ەر ادام 10 تاۋلىككە قاماۋعا الىندى، دەپ حابارلايدى «ادىرنا» ۇلتتىق پورتالى Polisia.kz سايتىنا سىلتەمە جاساپ.
وسى ۋاقىتقا دەيىن ەلوردا تۇرعىنى اكىمشىلىك جاۋاپكەرشىلىككە تارتىلعان. مىنەز-قۇلقىنا ەرەكشە تالاپ قويىلعان تۇلعا رەتىندە ءبىر جىل مەرزىمگە ەسەپتە تۇرعان.
مامانداندىرىلعان اۋدانارالىق اكىمشىلىك سوتتىڭ شەشىمىمەن 10 تاۋلىككە اكىمشىلىك قاماۋعا الىندى.
ايتا كەتەيىك، «قۇقىقتىق ءتارتىپ» جەدەل الدىن الۋ ءىس-شاراسى اياسىندا نۇر-سۇلتان قالاسىنىڭ پوليتسيا قىزمەتكەرلەرى ءىىو-نىڭ ەسەبىندە تۇرعان ادامداردى تۇرعىلىقتى مەكەنجايى بويىنشا تەكسەرىپ جاتىر. سونىمەن قاتار وتباسى-تۇرمىستىق قاتىناستار سالاسىندا قۇقىق بۇزۋشىلىققا جول بەرگەن، سپيرتتىك ىشىمدىكتەردى اسىرا پايدالاناتىن ادامدار دا تىزىمدە بار.
تەكسەرىس بارىسىندا ۋچاسكەلىك پوليتسياعا 78 جاستاعى ايەل 56 جاستاعى بالاسىنىڭ سپيرتتىك ىشىمدىك ءىشىپ، ۇيگە ماس كۇيدە كەلگەنىن ايتىپ بەردى. ودان بولەك وعان بالاعات سوزدەر ايتىپ، جانجال شىعارىپ، پسيحولوگيالىق زورلىق-زومبىلىق كورسەتىپتى.
"ادىرنا" ۇلتتىق پورتالى
