جاڭاوزەندىك «ورمەكشى ادام» جەلى قولدانۋشىلارىن تاڭداندىرۋدى جالعاستىرۋدا، دەپ حابارلايدى "ادىرنا" ۇلتتىق پورتالى.
Lada.kz حابارلاعانداي، بۇل جولى جەرگىلىكتى تۇرعىن اماندىق مولداعۇلوۆ ەش ساقتاندىرۋسىز كەڭسە ءۇيىنىڭ ءۇشىنشى قاباتىنا كوتەرىلدى. وسىلايشا ول كەڭسە ىشىندەگى كىلتتەردى ۇمىتىپ كەتكەن ارىپتەسىنە كومەكتەستى.
اماندىق ءۇشىنشى قاباتقا كوتەرىلۋ مۇلدە قيىن بولماعانىن ايتتى، سەبەبى بۇل ونىڭ ءحوببيى، ول بالا كەزىندە «ورمەكشى ادام» لاقاپ اتىن العان.
2020 جىلى مولداعۇلوۆ ەشقانداي ساقتاندىرۋسىز تۋعان قالاسىنداعى تۇرعىن ۇيلەردىڭ ءبىرىنىڭ ءتورتىنشى قاباتىنداعى تەرەزەگە كوتەرىلدى.
"ادىرنا" ۇلتتىق پورتالى
