كوروناۆيرۋس - قۇدايدىڭ جازاسى، دەگەن اقپاراتتى يمام جوققا شىعاردى

5028
Adyrna.kz Telegram

تانىمال جۋرناليست دينارا ءساتجان، ماسكەۋ مەموريالدىق مەشىتىنىڭ يمامى شاميل الياۋتدينوۆپەن ينستاگرام جەلىسىندە تىكەلەي ەفيردە سۇحبات وتكىزدى. يمام كوروناۆيرۋستىڭ قۇدايدىڭ جازاسى ەكەندىگى تۋرالى اقپاراتتى جوققا شىعاردى، دەپ حابارلايدى "ادىرنا" پورتالى.

«كەيبىر ادامدار كوروناۆيرۋس - قۇدايدىڭ جازاسى، وعان قارسى تۇرۋعا بولمايدى دەپ جازۋدا. بۇل تۋرالى نە ايتاسىز؟» - دەپ سۇرادى دينارا ءساتجان.

«قۇراندا جانە حاديستەردە بارلىق تۇرعىدان:«ءوز وزدەرىڭدى ولتىرمەڭدەر» دەلىنگەن. ياعني، قانداي دا ءبىر قاۋىپتى جاعدايدا. حاديستە: «ەمدەلىڭدەر» دەلىنگەن. ءبىز ەمدەلۋگە، ءبىر نارسەگە قارسى تۇرۋعا مىندەتتىمىز. قانداي جاعداي بولماسىن، قۇران مەن حاديستە ادامدى ءىس -ارەكەتكە شاقىرادى، بىراق جويقىن ارەكەتكە ەمەس. قۇراندا: «ءبىر -بىرىڭە جاقسىلىقتا كومەكتەسىڭدەر، كۇنا مەن دۇشپاندىققا كومەكتەسپەڭدەر»، - دەپ تۇسىندىرىلگەن.

ونىڭ ايتۋىنشا، ءبىز ءومىر سۇرگەنشە مۇنىڭ ءبارى ءبىز ءۇشىن بەرىلگەن بەلگىلى ءبىر سىناق.

«جاراتۋشى ءومىر مەن ءولىمدى قايسىمىزدىڭ ىسىمىزدە جاقسى ەكەنىن تەكسەرۋ ءۇشىن جاراتتى. ياعني، ارەكەت ەتۋىمىز كەرەك. ءتىپتى جانۋار دا امان قالۋ ءۇشىن قولىنان كەلگەنىن جاسايدى. ءبىز سىندارلى جاۋاپ بەرۋىمىز كەرەك. بۇل جاعدايدا ساۋاتتى تۇرعىداي قاراۋ قاجەت. يسلامدا جامان بەلگى جوق ەكەندىگى حاديستە انىق كورسەتىلگەن»، - دەدى شاميل الياۋتدينوۆ.

"ادىرنا" ۇلتتىق پورتالى

پىكىرلەر