بۇگىن – ءبىلىم كۇنى. قازاقستان رەسپۋبليكاسى پرەزيدەنتىنىڭ 1998 جىلعى 20 قاڭتارداعى جارلىعىنا سايكەس بۇل كۇن رەسپۋبليكا كولەمىندە اتاپ وتىلەدى. بيىل قازاقستاندا 3 ميلليون استام بالا مەكتەپكە بارادى. وسى جىلدىڭ ەرەكشەلىگى 1-سىنىپ وقۋشىلارىنا ارنالعان سالتاناتتى جيىندار وتكىزىلەدى، دەپ حابارلايدى "ادىرنا" ۇلتتىق پورتالى.
ءبىلىم كۇنى - جاس ءۇشىن دە، كارى ءۇشىن دە مەرەيلى مەرەكە، زور قۋانىش. ارايلى جازدىڭ ءۇش ايىن قىزىقتى دا، مازمۇندى وتكىزىپ، ارماندارىن ارقالاپ، جيعان بىلىمدەرىن ودان ءارى تەرەڭدەتە ءتۇسۋ ءۇشىن بارشا قازاقستاندىق وقۋشىلار ساعىنىشپەن التىن ۇيا مەكتەپتەرىنە ورالدى. مەكتەپ تابالدىرىعىن ەندى اتتاپ وتىرعان بالالارعا «الىپپە» نەمەسە «بۋكۆار» بەرىلەدى.
ايتا كەتەيىك، 2021-2022 وقۋ جىلى ءداستۇرلى فورماتتا باستالادى. بۇل شەشىم بالاباقشا، مەكتەپتەر مەن كوللەدج، جوعارى وقۋ ورىندارىنا دا قاتىستى.ءبىلىم بەرۋ مەكەمەلەرىنىڭ قىزمەتكەرلەرى جانە بالانى ءبىلىم ورداسىنا الىپ كەلگەن ادامدار مەن ستۋدەنتتەر Ashyq قوسىمشاسىن قولدانادى. «ەگەر سىنىپتا ءبىر بالا اۋىرىپ قالسا، سول سىنىپتىڭ ءوزى عانا قاشىقتان ءوتۋ فورماتىنا جىبەرىلەدى. دەنە قىزۋى بار بالالار ۋاقىتشا قاشىقتان وقيدى. «Ashyq» قوسىمشاسى ارقىلى تەكسەرىستەن وتكەن كەزدە اتا-اناسىنىڭ «قىزىل» مارتەبەسى بولسا، ستۋدەنت نەمەسە وقۋشى ۇيدەن وقيدى.
"ادىرنا" ۇلتتىق پورتالى
