2 قىركۇيەكتە تانىمال ءۇندى اكتەرى جانە اتاقتى مودەل سيدحارت شۋكلا مۋمبايدا قايتىس بولدى. ول نەبارى 40 جاستا ەدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
Hindustan Times باسىلىمنىڭ مالىمەتىنشە، تاڭەرتەڭ اكتەر ينفاركتتان كەيىن اۋرۋحاناعا جەتكىزىلگەن. الايدا دارىگەرلەر ونىڭ ءومىرىن قۇتقارا المادى.
ء"ولىمنىڭ الدىن-الا سەبەبى - ينفاركت. اۋتوپسيادان ناقتى سەبەبىن انىقتالادى", - دەدى اۋرۋحانانىڭ سوت-مەديتسينالىق ءبولىمىنىڭ دارىگەرى.
اكتەردىڭ قايتىس بولۋى تۋرالى جاڭالىق تەلەديدار مەن بولليۆۋد يندۋسترياسىنىڭ اتاقتى ادامدارىنا قاتتى سوققى بولدى. اكتەردىڭ ارىپتەستەرى مەن جانكۇيەرلەرى ونى ەسكە الىپ، الەۋمەتتىك جەلىدە جازبا جاريالاپ جاتىر.
سيدحارت شۋكلا 1980 جىلى 12 جەلتوقساندا مۋمبايدا دۇنيەگە كەلگەن. مانساپ جولىن مودەل رەتىندە باستاعان. 2005 جىلى تۇركياداعى "الەمنىڭ ۇزدىك مودەلى" بايقاۋىندا ول ءۇندىستان اتىنان شىعىپ، ازيا، لاتىن امەريكاسى جانە ەۋروپادان كەلگەن 40 سايىسكەردەن باسىم ءتۇسىپ، تيتۋلدى جەڭىپ العان العاشقى ءۇندى، سونداي-اق العاشقى ازيالىق بولعان ەدى.
2008 جىلى كينودا دەبيۋت جاساعان. " "يا - ليۋبوۆ", "نەۆەستا", "ۆوين", "بيزنەس پو-كازاحسكي" فيلمدەرىنە تۇسكەن.
