تارازدا جول اپاتىنان ەكى ادام قازا تاپتى. بۇل تۋرالى جامبىل وبلىسى ءىىد باستىعى جانات سۇلەيمەنوۆ مالىمدەدى، دەپ حابارلايدى "ادىرنا" ءتىلشىسى.
وقيعا ۆيدەوسى Telegram كانالدا جاريالاندى.
"15 قىركۇيەكتە تارازدا كوشە بويىمەن كەلە جاتقان كولىك جۇرگىزۋشىسى سەيفۋللين كوشەسى مەن ب.مومىشۇلى قيىلىسىندا ءتورت جاياۋ جۇرگىنشىنى قاعىپ كەتتى. جول -كولىك وقيعاسى سالدارىنان ەكى جاياۋ جۇرگىنشى وقيعا ورنىندا قايتىس بولدى، ەكەۋى تاراز قالالىق №1 اۋرۋحاناسىنا جاتقىزىلدى", دەدى جانات سۇلەيمەنوۆ.ول بۇل فاكت نەگىزىندە قر قك 345 ب. 4-ت. بويىنشا سوتقا دەيىنگى تەرگەۋ جۇرگىزىلگەنىن اتاپ ءوتتى.
پوليتسيا قىزمەتكەرلەرى تاراز قالاسىنىڭ 23 جاستاعى جۇرگىزۋشىسىن انىقتاپ، ۇستادى. قازىرگى ۋاقىتتا تەرگەۋ امالدارى جۇرگىزىلۋدە. بىرقاتار قاجەتتى ساراپتامالار تاعايىندالدى. جانات سۇلەيمەنوۆ
"ادىرنا" ۇلتتىق پورتالى
ۇقساس جاڭالىقتار
