4 قازاندا كەشكى ۋاقىتتا ىستەن شىققان Facebook, Instagram جانە Whatsapp الەۋمەتتىك جەلىلەرى ىسكە قوسىلدى. اقاۋ نەدەن شىققانىن Facebook قىزمەتكەرلەرى ءتۇسىندىردى. بۇل تۋرالى New York Times ءجۋرناليسى شيرا فرەنكەل Twitter-دە جازدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
سويتسەك، Facebook قىزمەتكەرلەرى جەلىدە نەدەن اقاۋدان شىققانىن انىقتاۋ ءۇشىن كومپانياعا بارىپ، كىرە الماعان ەكەن.
"FB جۇمىسشىسى تاڭعى ۋاقىتتا قىزمەتكەرلەر كەڭسەگە كىرە الماعانىن تەلەفون ارقىلى ايتتى، سەبەبى بەيدجدەر ەسىك قۇلپىن اشا الماعان", - دەپ حابارلادى فرەنكەل Twitter-دە.
The New York Times ءجۋرناليسى رايان ماك Facebook قىزمەتكەرلەرى ىسكەرلىك كوممۋنيكاتسيالارعا ارنالعان ىشكى باعدارلامالار جۇمىسىنداعى پروبلەماعا بايلانىستى جۇمىس ىستەي الماعانىن جازىپتى.
"Facebook قىزمەتتەرى مەن قوسىمشالارى عانا ەمەس، سونىمەن قاتار ونىڭ ىشكى قۇرالدارى مەن بايلانىس پلاتفورمالارى، سونىڭ ىشىندە Workplace (جۇمىس بايلانىسى قىزمەتى) جۇمىس ىستەمەدى. ەشكىم ەشقانداي جۇمىس ىستەي المايدى. مەن سويلەسكەن بىرنەشە ادام بۇل كومپانياداعى "قارلى كۇننىڭ" بالاماسى ەكەنىن ايتتى", - دەپ جازدى ول.
