قولى مەن اياعى توسەككە بايلانعان جاس ساربازدىڭ ۆيدەوسى عالامتوردى دۇرلىكتىردى. جىگىتتىڭ ايقايىن ەستىگەن، ونىڭ اشۋ-ىزاسى بار ءجۇزىن كورگەن قولدانۋشىلار جاس جىگىتكە جىن كىردى دەپ شەشتى، دەپ حابارلايدى “ادىرنا” ۇلتتىق پورتالى.
بەلگىلى بولعانداي، ءدۇر سىلكىندىرگەن بەينەروليكتىڭ كەيىپكەرى شامامەن ءبىر اي بۇرىن اسكەرگە شاقىرىلعان 18 جاستاعى سايات م. جاس جىگىت قر ۇقك شەكارا اسكەرلەرىنىڭ قىزمەتىنە قابىلداندى.
قر قورعانىس مينيسترلىگى پسيحيكالىق پروبلەماسى بار جىگىتتىڭ اسكەرگە، ءتىپتى ارنايى قىزمەتكە كەتكەنى قالاي بولعانىن سۇرادى. بۇل كەلەڭسىزدىككە اسكەرگە ىرىكتەۋ كەزىندەگى جەرگىلىكتى بيلىك وكىلدەرى باسقاراتىن شاقىرۋ كوميسسياسى جاۋاپ بەرەدى.
- ىرىكتەۋ مەن قابىلداۋدى جەرگىلىكتى اتقارۋشى ورگاندار - اكىمدىكتەر جۇزەگە اسىرادى. بۇل كوميسسيانىڭ قۇرامىندا قورعانىس مينيسترلىگىنىڭ وكىلى مۇشەلەرىنىڭ ءبىرى عانا بار. اكىمدىكتەر جۇرگىزگەن مەديتسينالىق تەكسەرۋدەن كەيىن ۇقك شەكارا قىزمەتى پوليگرافتى قولدانعانعا دەيىن تاعى دا قوسىمشا ىرىكتەۋ جۇرگىزەدى، دەپ ءتۇسىندىردى قر قورعانىس مينيسترلىگىنىڭ ءباسپاسوز قىزمەتى.
قورعانىس مينيسترلىگى جەرگىلىكتى اسكەرگە شاقىرۋ كوميسسياسىنىڭ مۇشەلەرى وسى ۋاقىتقا دەيىن ناشار جۇمىس ىستەگەنى ءۇشىن ولاردى كىنالاۋعا بولمايدى دەپ سانايدى. بۇل جەردە جىگىتتىڭ اۋرۋدى جاسىرا الاتىنى دا جوققا شىعارىلمايدى.
مەديتسينالىق كەڭەستىڭ مۇشەلەرى، ەگەر اسكەرگە شاقىرىلۋشى ارنايى ەسەپكە تىركەلمەگەن بولسا، ول تۋرالى بىلمەۋى مۇمكىن ەدى، ال مەديتسينالىق تەكسەرۋدەن وتكەندە ول قاجەتتى تالاپتاردى ورىندادى جانە بارلىق كورسەتكىشتەرى قالىپتى بولدى.
ونىڭ اتا -اناسى ۇلىنىڭ اۋىر اۋرۋى تۋرالى مەديتسينالىق كەڭەس مۇشەلەرىنە ەسكەرتۋگە مىندەتتى ەدى.
بۇل ارادا اسكەري قىزمەتشىنىڭ ورىنسىز ارەكەتى تۋرالى ۆيدەو جەلىدە پايدا بولعان ساتتە ساياتتىڭ ەسى اۋىسقانى تۋرالى ونىڭ تۋىستارى عانا ەمەس، كوللەدجدەردىڭ بىرىندە بىرگە وقىعان گرۋپپالاستارى دا بىلەتىنى تۋرالى اقپارات پايدا بولدى.
ءسويتىپ، جىگىتتەردىڭ ءبىرى ساياتتىڭ بىرنەشە رەت ەسىنەن تانىپ قالعانىن ايتتى، ول كەلگەندە جاقىن ماڭداعى ادامداردى ۇرا باستادى. ءبىراز ۋاقىتتان كەيىن جاس جىگىت ەسىن جيىپ، نە بولعانىن ەسىنە تۇسىرە المادى.
تەرگەۋ جۇمىستارىنىڭ ناتيجەسى شىعا سالىسىمەن، ساربازدىڭ ودان ءارى قىزمەتىن جالعاستىرۋى نەمەسە شىعارىلۋى تۋرالى شەشىم قابىلدانادى.
“ادىرنا” ۇلتتىق پورتالى
