نازارباەۆ جاڭا قىزمەتكە ۇسىنىلدى

1371

نۇرسۇلتان نازارباەۆ ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ دانالار كەڭەسىنىڭ باسشىسى قىزمەتىنە ۇسىنىلدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.

بۇل باستامانى قر سىرتقى ىستەر ءمينيسترىنىڭ ورىنباسارى اقان راحمەتۋللين نۇر-سۇلتاندا وتكەن سىرتقى ىستەر مينيسترلەرىنىڭ كەزدەسۋىندە ايتتى.

"بۇگىن دانالار كەڭەسى تۋرالى ەرەجەنى قابىلداۋىمىز كەرەك. مۇشە مەملەكەتتەر كونسۋلتاتيۆتى-كەڭەسشى ورگان قۇرۋدى قولدادى جانە مۇشەلىككە كانديداتتاردى ۇسىنا باستادى. بۇگىن دانالار كەڭەسى تۋرالى ەرەجەنى بەكىتەمىز. تاڭەرتەڭ كەزدەسۋدە پرەزيدەنت قاسىم-جومارت توقاەۆ نۇرسۇلتان نازارباەۆتى اوسشك جەتەكشىلىگىنە كانديدات رەتىندە ۇسىندى. ءبارىڭىز بۇل كانديداتۋرانى قولدايسىزدار دەپ ۇمىتتەنەمىن", - دەدى راحمەتۋللين.

ازياداعى ءوزارا ىقپالداستىق جانە سەنىم شارالارى جونىندەگى كەڭەس - ازيا قۇرلىعى مەملەكەتتەرىن بىرىكتىرەتىن حالىقارالىق فورۋم، نەگىزگى مىندەتى - تۇراقتىلىق پەن قاۋىپسىزدىكتى قامتاماسىز ەتۋ ماقساتىندا ازيا مەملەكەتتەرى اراسىنداعى قارىم-قاتىناس پەن ىنتىماقتاستىقتى نىعايتۋ. كەزدەسۋدى شاقىرۋ يدەياسىن العاش رەت نۇرسۇلتان نازارباەۆ 1992 جىلى قازاندا بۇۇ باس اسسامبلەياسىنىڭ 47-سەسسياسىندا ۇسىنعان بولاتىن.
“ادىرنا” ۇلتتىق پورتالى
پىكىرلەر
ۇقساس جاڭالىقتار