Nazarbaev jańa qyzmetke usynyldy

1411

Nursultan Nazarbaev Azııadaǵy ózara yqpaldastyq jáne senim sharalary jónindegi keńestiń Danalar keńesiniń basshysy qyzmetine usynyldy, - dep habarlaıdy “Adyrna” ulttyq portaly Tengrinews.kz saıtyna silteme jasap.

Bul bastamany QR Syrtqy ister mınıstriniń orynbasary Aqan Rahmetýllın Nur-Sultanda ótken syrtqy ister mınıstrleriniń kezdesýinde aıtty.

"Búgin Danalar keńesi týraly erejeni qabyldaýymyz kerek. Múshe memleketter konsýltatıvti-keńesshi organ qurýdy qoldady jáne múshelikke kandıdattardy usyna bastady. Búgin Danalar keńesi týraly erejeni bekitemiz. Tańerteń kezdesýde Prezıdent Qasym-Jomart Toqaev Nursultan Nazarbaevty AÓSShK jetekshiligine kandıdat retinde usyndy. Bárińiz bul kandıdatýrany qoldaısyzdar dep úmittenemin", - dedi Rahmetýllın.

Azııadaǵy ózara yqpaldastyq jáne senim sharalary jónindegi keńes - Azııa qurlyǵy memleketterin biriktiretin halyqaralyq forým, negizgi mindeti - turaqtylyq pen qaýipsizdikti qamtamasyz etý maqsatynda Azııa memleketteri arasyndaǵy qarym-qatynas pen yntymaqtastyqty nyǵaıtý. Kezdesýdi shaqyrý ıdeıasyn alǵash ret Nursultan Nazarbaev 1992 jyly qazanda BUU Bas Assambleıasynyń 47-sessııasynda usynǵan bolatyn.
“Adyrna” ulttyq portaly
Pikirler
Uqsas jańalyqtar