جاعداي وڭالماسا كەرى قايتامىز: يراننان كەلگەن قانداستار شۋ شىعاردى

5886

سولۇستىك قازاقستان وبلىسىندا يراننان قونىس اۋدارعان قانداستاردىڭ كوشكە كوڭىلدەرى تولمايدى. ولار اكىمدىك بەرگەن جاڭا ۇيلەردىڭ ساپاسىنا شاعىمدانىپ وتىر. بۇل تۋرالى “ادىرنا” ۇلتتىق پورتالى 31 ارنانىڭ “ينفورمبيۋرو” جاڭالىقتار باعدارلاماسىنا سىلتەمە جاسا حابارلايدى. 

يراننان شال اقىن اۋدانىنا كوشىپ كەلگەن حاميت شادكام ءبىر اي بۇرىن بەرىلگەن باسپاناسىنىڭ سوگىلگەن قابىرعاسىنان ءۇيىم ءبىر كۇنى وپىرىلىپ ورتاسىنا تۇسە مە دەپ قورقادى. ايتۋىنشا، تەرەزەلەرى دۇرىس جابىلمايتىدىقتان سۋىق جەل كەلەدى.

سوندىقتان، ساپاسىز سالىنعان ۇيگە ماڭعىستاۋ وبلىسىندا قالعان وتباسىن كوشىرۋگە قورقىپ وتىر. ويتكەنى ءۇيدىڭ بولمەارالىق قابىرعالارى گيپسوكارتوننان سالىنعان. ەسىگىنىڭ جاقتاۋلارى جۇلىنىپ ءتۇسىپ جاتىر. ودان بولەك، ەدەننەن دە، توبەدەن دە سۋىق سوعىپ تۇراتىنىن ايتادى.  

ولار قۇرىلىس جۇمىستارى سوڭىنا دەيىن بىتپەگەن ۇيگە نەگە كوشىرگەنىن بىلمەيمىز دەيدى. سوزدەرىنشە، جاۋاپتىلار ءۇيىپ بەرگەن ۋادەلەرىن ورىنداماعان. ءبىر ايدىڭ ىشىندە بىردە-بىرەۋى تۇراقتى جۇمىسقا ورنالاسا الماعان. سوندىقتان ىشەرگە تاماق تاپپاي قينالىپ ءجۇرمىز دەيدى. ونىڭ ۇستىنە بارىنە بىردەي كوتەرمە اقى بەرىلمەيدى دەپتى. 

اۋدان اكىمىنىڭ ورىنباسارى ولارعا ەشكىم ەشقانداي ۋادە بەرمەگەنىن ايتادى. كەرىسىنشە، قانداستارعا قارا جۇمىس ۇسىندىق، وزدەرى باس تارتتى دەيدى. ال كوتەرمە اقى ەندى تەك جوعارى، نە ورتا ارناۋلى ديپلومى بار ازاماتتارعا عانا تولەنەتىنىن كەسىپ ايتتى.

“204 مىڭ تەڭگە ادام باسىنا وتاعاسىنا بەرىلەدى. ەڭ باستى تالاپ ءبىلىمى بولۋ كەرەك. ەگەر ديپلوم بولماسا، ولارعا كۆوتا بەرىلمەيدى”، – دەيدى شال اقىن اۋدانى اكىمىنىڭ ورىنباسارى ارمان دۇيسەنبينوۆ 

اۋداندىق تۇكش ءبولىمىنىڭ باسشىسى سالىنعان ءۇيدىڭ ساپاسى، باعاسىنا ساي دەپ ەسەپتەيدى. ال قانداستار كورسەتكەن ولقىلىقتار ءجونسىز دەيدى. يراننان كەلگەن قانداستار جاۋاپتىلار ءۇيىپ توگىپ بەرگەن ۋادەلەرىن ورىنداماسا، ءبارىمىز كەيىن قايتامىز دەيدى.

”ادىرنا” ۇلتتىق پورتالى

پىكىرلەر
ۇقساس جاڭالىقتار