Solústik Qazaqstan oblysynda Irannan qonys aýdarǵan qandastardyń kóshke kóńilderi tolmaıdy. Olar ákimdik bergen jańa úılerdiń sapasyna shaǵymdanyp otyr. Bul týraly “Adyrna” ulttyq portaly 31 arnanyń “Informbıýro” jańalyqtar baǵdarlamasyna silteme jasa habarlaıdy.
Irannan Shal aqyn aýdanyna kóship kelgen Hamıt Shadkam bir aı buryn berilgen baspanasynyń sógilgen qabyrǵasynan úıim bir kúni opyrylyp ortasyna túse me dep qorqady. Aıtýynsha, terezeleri durys jabylmaıtydyqtan sýyq jel keledi.
Sondyqtan, sapasyz salynǵan úıge Mańǵystaý oblysynda qalǵan otbasyn kóshirýge qorqyp otyr. Óıtkeni úıdiń bólmearalyq qabyrǵalary gıpsokartonnan salynǵan. Esiginiń jaqtaýlary julynyp túsip jatyr. Odan bólek, edennen de, tóbeden de sýyq soǵyp turatynyn aıtady.
Olar qurylys jumystary sońyna deıin bitpegen úıge nege kóshirgenin bilmeımiz deıdi. Sózderinshe, jaýaptylar úıip bergen ýádelerin oryndamaǵan. Bir aıdyń ishinde birde-bireýi turaqty jumysqa ornalasa almaǵan. Sondyqtan isherge tamaq tappaı qınalyp júrmiz deıdi. Onyń ústine bárine birdeı kóterme aqy berilmeıdi depti.
Aýdan ákiminiń orynbasary olarǵa eshkim eshqandaı ýáde bermegenin aıtady. Kerisinshe, qandastarǵa qara jumys usyndyq, ózderi bas tartty deıdi. Al kóterme aqy endi tek joǵary, ne orta arnaýly dıplomy bar azamattarǵa ǵana tólenetinin kesip aıtty.
“204 myń teńge adam basyna otaǵasyna beriledi. Eń basty talap bilimi bolý kerek. Eger dıplom bolmasa, olarǵa kvota berilmeıdi”, – deıdi Shal aqyn aýdany ákiminiń orynbasary Arman Dúısenbınov
Aýdandyq TÚKSh bóliminiń basshysy salynǵan úıdiń sapasy, baǵasyna saı dep esepteıdi. Al qandastar kórsetken olqylyqtar jónsiz deıdi. Irannan kelgen qandastar jaýaptylar úıip tógip bergen ýádelerin oryndamasa, bárimiz keıin qaıtamyz deıdi.
”Adyrna” ulttyq portaly
