اقش-تاعى جوعارى لاۋازىم قىزمەتكەرى، قانداسىمىز ساۋلە وماروۆانىڭ بالالىق شاعى تۋرالى ورالداعى №21 ورتا مەكتەپ ديرەكتورى ايتىپ بەردى. بۇل تۋرالى "ادىرنا" ۇلتتىق پورتالى ريا نوۆوستيگە سىلتەمە جاساپ حابارلايدى.
لاۋرا شاركۋبەنوۆانىڭ اڭگىمەسىنە سۇيەنسەك، ساۋلە وماروۆا - ءوز قاتارلاستارىنان وزىق بولعان ءارى مەكتەپتى التىن بەلگىگە بىتىرگەن جالعىز تۇلەك.
"قۇجاتتارعا قاراساق، بارلىق جاراتىلىستانۋ عىلىمدارى بويىنشا مەكتەپ وليمپيادالارىنا ساۋلە قاتىسقان", - دەيدى ديرەكتور.
وماروۆا ءاۋ باستان ينتەلليگەنتتى وتباسىندا تاربيە العان. ونىڭ اناسى قالالىق اۋرۋحانالاردىڭ بىرىندە ادىستەمەلىك قىزمەتتىڭ جەتەكشىسى قىزمەتىن اتقارعان.
"سىنىپتاستارىنىڭ ايتۋىنا قاراعاندا، ول - قاراپايىم، اڭعال، كوپشىل قىز بولعان. باسقالاردان ەرەكشەلەنبەگەن. قاراپايىم كەڭەستىك وقۋشىلار", - دەيدى شاركۋبەنوۆا.
لاۋرا شاركۋبەنوۆا ساۋلە وماروۆانىڭ بۇكىلكەڭەستىك لەنيندىك كوممۋنيستىك جاستار وداعىنىڭ مۇشەسى بولعانىن جاسىرمادى. الايدا قازىرگى تاڭدا بۇرىن بولعان بۇل جاعدايدى وماروۆانىڭ وزىنە قارسى قولدانۋدا. سىنىپتاعى 30 وقۋشىنىڭ 12-ءسى اتالعان وداققا مۇشە بولعان.
"ادىرنا" ۇلتتىق پورتالى