الماتى وبلىسى، تالعار اۋدانىنداعى توڭكەرىس اۋىلىندا بولعان ورتتەن 34 ادام باسپاناسىن تاستاپ، تۋىستارىنىڭ ءۇيىن پانالاۋعا ءماجبۇر. باراك ءتيپتى ۇيدە 8 پاتەر بولعان. ابىروي بولعاندا تۇرعىندار ءدىن امان، دەر كەزىندە دالاعا شىعىپ ۇلگەرىپتى، دەپ حابارلايدى "ادىرنا" ۇلتتىق پورتالى Express Qazaqstan سايتىنا سىلتەمە جاساپ.
اۋداندىق اكىمدىڭتىڭ Instagram-داعى پاراقشاسىندا ورتەنگەن ۇيدە 34 ادام تۇراتىنى جازىلدى. قامىستان قۇرىلعان باراك ءتيپتى باسپانادا 8 پاتەر بولعان.
ۇيدە بارلىعى 34 ادام تۇرادى. ونىڭ 16-سى بالا. ورتەنگەن 6 پاتەردە بارلىعى 30 ادام تۇرعان، ونىڭ 15-ءى بالا. ءۇي 1952 جىلى قامىستان سالىنعان. ءۇيى ورتەنگەن وتباسىلارعا مەملەكەت ەسەبىنەن كومەك بەرۋ ماسەلەسى قارالادى،
— دەلىنگەن جازبادا.
وبلىستىق توتەنشە جاعدايلار دەپارتامەنتىندەگىلەر وتتى سوندىرۋگە وڭىردەگى ءۇش اۋداننىڭ ءورت سوندىرۋشىلەرى جۇمىلدىرىلعانىن ايتتى.
ء"ورتتىڭ شىعۋىنا ىشكى ەلەكتر سىمدارىنىڭ قىسقا تۇيىقتالۋى سەبەپ بولدى. وقيعا ورنىنا تالدىقورعان قالاسىنان ءورت سىناق زەرتحاناسى جىبەرىلدى. وتتى سوندىرۋگە تالعار، ەڭبەكشىقازاق، ىلە اۋدانىنان 13 ءورت ءسوندىرۋشى، 5 بىرلىك تەحنيكا جۇمىلدىرىلدى. ءورت كەزىندە ءىشىنارا وپىرىلىپ قۇلاۋىمەن 8 پاتەرلىك باراك ۇلگىسىندەگى 1 قاباتتى تۇرعىن ءۇيدىڭ شاتىرى جانعانى انىقتالدى", — دەدى وبلىستىق تجد ءباسپاسوز قىزمەتى.
قازىرگى ۋاقىتتا ورتەنگەن ءۇيدى قالپىنا كەلتىرۋ جۇمىستارى جۇرگىزىلىپ جاتىر. جەرگىلىكتى اكىمدىك تۋىستارىن پانالاعان تۇرعىنداردان ءوتىنىش تۇسسە ۋاقىتشا پاتەرگە ورنالاستىرۋ جاعىن قاراستىرامىز دەپ وتىر.
"ادىرنا" ۇلتتىق پورتالى
Басқалармен бөлісе отырыңыз
