Almaty oblysy, Talǵar aýdanyndaǵy Tóńkeris aýylynda bolǵan órtten 34 adam baspanasyn tastap, týystarynyń úıin panalaýǵa májbúr. Barak tıpti úıde 8 páter bolǵan. Abyroı bolǵanda turǵyndar din aman, der kezinde dalaǵa shyǵyp úlgeripti, dep habarlaıdy "Adyrna" ulttyq portaly Express Qazaqstan saıtyna silteme jasap.
Aýdandyq ákimdińtiń Instagram-daǵy paraqshasynda órtengen úıde 34 adam turatyny jazyldy. Qamystan qurylǵan barak tıpti baspanada 8 páter bolǵan.
Úıde barlyǵy 34 adam turady. Onyń 16-sy bala. Órtengen 6 páterde barlyǵy 30 adam turǵan, onyń 15-i bala. Úı 1952 jyly qamystan salynǵan. Úıi órtengen otbasylarǵa memleket esebinen kómek berý máselesi qaralady,
— delingen jazbada.
Oblystyq tótenshe jaǵdaılar departamentindegiler otty sóndirýge óńirdegi úsh aýdannyń órt sóndirýshileri jumyldyrylǵanyn aıtty.
"Órttiń shyǵýyna ishki elektr symdarynyń qysqa tuıyqtalýy sebep boldy. Oqıǵa ornyna Taldyqorǵan qalasynan órt synaq zerthanasy jiberildi. Otty sóndirýge Talǵar, Eńbekshiqazaq, Ile aýdanynan 13 órt sóndirýshi, 5 birlik tehnıka jumyldyryldy. Órt kezinde ishinara opyrylyp qulaýymen 8 páterlik barak úlgisindegi 1 qabatty turǵyn úıdiń shatyry janǵany anyqtaldy", — dedi oblystyq TJD baspasóz qyzmeti.
Qazirgi ýaqytta órtengen úıdi qalpyna keltirý jumystary júrgizilip jatyr. Jergilikti ákimdik týystaryn panalaǵan turǵyndardan ótinish tússe ýaqytsha páterge ornalastyrý jaǵyn qarastyramyz dep otyr.
"Adyrna" ulttyq portaly
Басқалармен бөлісе отырыңыз
