الماتىدا ورتاشا جالاقى كولەمى ەلىمىزدىڭ باسقا وڭىرلەرىنە قاراعاندا 20 پايىزعا جوعارى، دەپ حابارلايدى “ادىرنا” ۇلتتىق پورتالى Zakon.kz سايتىنا سىلتەمە جاساپ.
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە الماتى اكىمىنىڭ ورىنباسارى ءىلياس وسەروۆ مالىمدەدى.
سونىمەن قاتار، اكىم ورىنباسارى 2021 جىلدىڭ 11 ايىندا قالانىڭ ەكونوميكالىق كورسەتكىشتەرى تۋرالى ەسەپ بەردى.
الماتى رەسپۋبليكالىق بيۋدجەتتىڭ نەگىزى بولىپ تابىلادى، رەسپۋبليكامىزدىڭ باسقا وڭىرلەرىنە قاراعاندا جەتەكشى ورىندا. قالانىڭ ءجىو ەلىمىزدىڭ ءجىو كولەمىنىڭ بەستەن ءبىر بولىگىن قۇرايدى ء(بىرىنشى جارتىجىلدىقتا – 105,5%، قر بويىنشا – 102,4%), ال مەملەكەتتىك بيۋدجەتكە سالىقتىق تۇسىمدەردەن بۇكىل ەل اۋماعىنىڭ بارلىق تۇسىمدەرىنىڭ تورتتەن ءبىر بولىگىن قۇرايدى، دەدى الماتى قالاسى اكىمىنىڭ ورىنباسارى ءىلياس وسەروۆ.
وتكەن جىلى كارانتين مەن لوكداۋننىڭ ەنگىزىلۋىنە بايلانىستى بيزنەستىڭ سالىق تولەۋ مەرزىمى كەيىنگە شەگەرىلگەنى اتاپ ءوتىلدى. جەرگىلىكتى بيۋدجەتكە شاعىن جانە ورتا بيزنەس سۋبەكتىلەرىنەن تۇسەتىن كورپوراتيۆتىك تابىس سالىعى ءبولىنىپ بەرىلدى، سونداي-اق رەسپۋبليكالىق بيۋدجەتتەن جەرگىلىكتى بيۋدجەتتىڭ 64,4 ملرد تەڭگە مولشەرىندەگى شىعىندارى وتەلىپ الىندى.
ءىلياس وسەروۆتىڭ ايتۋىنشا، بيىل سالىق تۇسىمدەرىنىڭ ءوسۋ قارقىنى جوعارى.
11 ايدىڭ قورىتىندىسى بويىنشا، ءبىز وتكەن جىلدىڭ وسى ۋاقىتىمەن سالىستىرعاندا سالىق تۇسىمدەرىنىڭ 28,7%-عا وسكەنىن بايقاپ وتىرمىز.
الماتى اكىمىنىڭ ورىنباسارى ءىلياس وسەروۆ
كارانتيندىك شەكتەۋلەردەن كوپ زارداپ شەككەن مادەنيەت، ويىن-ساۋىقتان باسقا بارلىق سالالار بويىنشا بيىل سالىق ءتۇسىمىنىڭ ارتقانى بايقالادى.
ساۋدا-ساتتىق – 144%، بايلانىس – 161%، قارجى جانە ساقتاندىرۋ – 137%، كاسىبي، عىلىمي جانە تەحنيكالىق قىزمەت – 121%، قۇرىلىس سالالارىندا 120%-عا سالىق ءتۇسىمى ارتتى.
ستاتيستيكالىق مالىمەتتەرگە سايكەس، بيىل III توقساندا جالاقى وتكەن جىلدىڭ ءتيىستى كەزەڭىمەن سالىستىرعاندا 20,1% - عا ءوستى. قالا بويىنشا، ورتاشا ايلىق جالاقى رەسپۋبليكالىق دەڭگەيدەن 16,4%- عا جوعارىلاپ، 283 700 تەڭگەنى قۇرادى (قر بويىنشا - 243 667 تگ).
جەرگىلىكتى بيۋدجەتكە تۇسەتىن تۇسىمدەردىڭ نەگىزگى ۇلەسى – جالاقى سالىعى (54,4%). 10 ايعا جەكە تابىس سالىعى بارلىق سالىق ءتۇسىمىنىڭ (604,6 ملرد تەڭگە) 32,9%-ىن (199,1 ملرد تەڭگە), الەۋمەتتىك سالىقتىڭ 21,5%-ىن (130 ملرد تەڭگە) قۇرادى. وتكەن جىلدىڭ سايكەس كەزەڭىمەن سالىستىرعاندا جتس 30,5% -عا، الەۋمەتتىك سالىق 17,1% - عا ءوستى، دەدى الماتى قالاسى اكىمىنىڭ ورىنباسارى ءىلياس وسەروۆ.
“ادىرنا” ۇلتتىق پورتالى
