Qazaqstanda eń joǵary jalaqy qaı óńirde tirkelgen?

2243
Adyrna.kz Telegram

Almatyda ortasha jalaqy kólemi elimizdiń basqa óńirlerine qaraǵanda 20 paıyzǵa joǵary, dep habarlaıdy “Adyrna” ulttyq portaly Zakon.kz saıtyna silteme jasap. 

Bul týraly Óńirlik kommýnıkaııalar qyzmetinde ótken brıfıngte Almaty ákiminiń orynbasary Ilııas Óserov málimdedi.

Sonymen qatar, ákim orynbasary 2021 jyldyń 11 aıynda qalanyń ekonomıkalyq kórsetkishteri týraly esep berdi.

Almaty respýblıkalyq bıýdjettiń negizi bolyp tabylady, respýblıkamyzdyń basqa óńirlerine qaraǵanda jetekshi orynda. Qalanyń JIÓ elimizdiń JIÓ kóleminiń besten bir bóligin quraıdy (birinshi jartyjyldyqta – 105,5%, QR boıynsha – 102,4%), al memlekettik bıýdjetke salyqtyq túsimderden búkil el aýmaǵynyń barlyq túsimderiniń tórtten bir bóligin quraıdy, dedi Almaty qalasy ákiminiń orynbasary Ilııas Óserov.

Ótken jyly karantın men lokdaýnnyń engizilýine baılanysty bıznestiń salyq tóleý merzimi keıinge shegerilgeni atap ótildi. Jergilikti bıýdjetke shaǵyn jáne orta bıznes sýbektilerinen túsetin korporatıvtik tabys salyǵy bólinip berildi, sondaı-aq respýblıkalyq bıýdjetten jergilikti bıýdjettiń 64,4 mlrd teńge mólsherindegi shyǵyndary ótelip alyndy.

Ilııas Óserovtyń aıtýynsha, bıyl salyq túsimderiniń ósý qarqyny joǵary.

11 aıdyń qorytyndysy boıynsha, biz ótken jyldyń osy ýaqytymen salystyrǵanda salyq túsimderiniń 28,7%-ǵa óskenin baıqap otyrmyz.

Almaty ákiminiń orynbasary Ilııas Óserov

Karantındik shekteýlerden kóp zardap shekken mádenıet, oıyn-saýyqtan basqa barlyq salalar boıynsha bıyl salyq túsiminiń artqany baıqalady.

Saýda-sattyq – 144%, baılanys – 161%, qarjy jáne saqtandyrý – 137%, kásibı, ǵylymı jáne tehnıkalyq qyzmet – 121%, qurylys salalarynda 120%-ǵa salyq túsimi artty.

Statıstıkalyq málimetterge sáıkes, bıyl III toqsanda jalaqy ótken jyldyń tıisti kezeńimen salystyrǵanda 20,1% - ǵa ósti. Qala boıynsha, ortasha aılyq jalaqy respýblıkalyq deńgeıden 16,4%- ǵa joǵarylap, 283 700 teńgeni qurady (QR boıynsha - 243 667 tg).

Jergilikti bıýdjetke túsetin túsimderdiń negizgi úlesi – jalaqy salyǵy (54,4%). 10 aıǵa jeke tabys salyǵy barlyq salyq túsiminiń (604,6 mlrd teńge) 32,9%-yn (199,1 mlrd teńge), áleýmettik salyqtyń 21,5%-yn (130 mlrd teńge) qurady. Ótken jyldyń sáıkes kezeńimen salystyrǵanda JTS 30,5% -ǵa, áleýmettik salyq 17,1% - ǵa ósti, dedi Almaty qalasy ákiminiń orynbasary Ilııas Óserov.

“Adyrna” ulttyq portaly

Pikirler