Būl turaly Öŋırlık kommunikasiialar qyzmetınde ötken brifingte Almaty äkımınıŋ orynbasary Iliias Öserov mälımdedı.
Sonymen qatar, äkım orynbasary 2021 jyldyŋ 11 aiynda qalanyŋ ekonomikalyq körsetkışterı turaly esep berdı.
Almaty respublikalyq biudjettıŋ negızı bolyp tabylady, respublikamyzdyŋ basqa öŋırlerıne qaraǧanda jetekşı orynda. Qalanyŋ JIÖ elımızdıŋ JIÖ kölemınıŋ besten bır bölıgın qūraidy (bırınşı jartyjyldyqta – 105,5%, QR boiynşa – 102,4%), al memlekettık biudjetke salyqtyq tüsımderden bükıl el aumaǧynyŋ barlyq tüsımderınıŋ törtten bır bölıgın qūraidy, dedı Almaty qalasy äkımınıŋ orynbasary Iliias Öserov.
Ötken jyly karantin men lokdaunnyŋ engızıluıne bailanysty biznestıŋ salyq töleu merzımı keiınge şegerılgenı atap ötıldı. Jergılıktı biudjetke şaǧyn jäne orta biznes subektılerınen tüsetın korporativtık tabys salyǧy bölınıp berıldı, sondai-aq respublikalyq biudjetten jergılıktı biudjettıŋ 64,4 mlrd teŋge mölşerındegı şyǧyndary ötelıp alyndy.
Iliias Öserovtyŋ aituynşa, biyl salyq tüsımderınıŋ ösu qarqyny joǧary.
11 aidyŋ qorytyndysy boiynşa, bız ötken jyldyŋ osy uaqytymen salystyrǧanda salyq tüsımderınıŋ 28,7%-ǧa öskenın baiqap otyrmyz.
Almaty äkımınıŋ orynbasary Iliias Öserov
Karantindık şekteulerden köp zardap şekken mädeniet, oiyn-sauyqtan basqa barlyq salalar boiynşa biyl salyq tüsımınıŋ artqany baiqalady.
Sauda-sattyq – 144%, bailanys – 161%, qarjy jäne saqtandyru – 137%, käsıbi, ǧylymi jäne tehnikalyq qyzmet – 121%, qūrylys salalarynda 120%-ǧa salyq tüsımı artty.
Statistikalyq mälımetterge säikes, biyl III toqsanda jalaqy ötken jyldyŋ tiıstı kezeŋımen salystyrǧanda 20,1% - ǧa östı. Qala boiynşa, ortaşa ailyq jalaqy respublikalyq deŋgeiden 16,4%- ǧa joǧarylap, 283 700 teŋgenı qūrady (QR boiynşa - 243 667 tg).
Jergılıktı biudjetke tüsetın tüsımderdıŋ negızgı ülesı – jalaqy salyǧy (54,4%). 10 aiǧa jeke tabys salyǧy barlyq salyq tüsımınıŋ (604,6 mlrd teŋge) 32,9%-yn (199,1 mlrd teŋge), äleumettık salyqtyŋ 21,5%-yn (130 mlrd teŋge) qūrady. Ötken jyldyŋ säikes kezeŋımen salystyrǧanda JTS 30,5% -ǧa, äleumettık salyq 17,1% - ǧa östı, dedı Almaty qalasy äkımınıŋ orynbasary Iliias Öserov.
“Adyrna” ūlttyq portaly
