Eńbek jáne halyqty áleýmettik qorǵaý mınıstrligi naryqta usynylatyn bos jumys oryndarynyń jalaqy mólsherin aıtty, dep habarlaıdy «Adyrna» ulttyq portaly.
«Qyrkúıek aıynda jumys berýshiler ýchaske mehanıkterine (orta eseppen 766 myń teńgeden bastap), taý-ken ınjenerlerine (760 myń teńgeden bastap), sondaı-aq marketıng qyzmetiniń basshylaryna (700 myń teńgeden bastap) eń joǵary jalaqy usynǵan. Óz kezeginde izdenýshiler tarapynan eń joǵary jalaqyny keme kapıtandary (1,2 mln teńgeden bastap), ushqyshtar (1,2 mln teńgeden bastap), sondaı-aq ǵylym qyzmetkerleri (950 myń teńgeden bastap) suraǵan», - delingen mınıstrlik habarlamasynda.
Vedomstvo málimetinshe, qyrkúıek aıynda eńbek naryǵyndaǵy suranys bilim berý salasyndaǵy jumys berýshilerdiń belsendiliginiń tómendeýine baılanysty ósý qarqynyn báseńdetti.
Sonymen qatar bilim berý mekemeleri kadrlardy irikteıtin basqa jumys berýshiler arasynda kóshbasshylyq pozıııany jalǵastyryp jatyr.
«Adyrna» ulttyq portaly
