Qazaqstandaǧy barlyq auyldyq eldı meken 2027 jylǧa deiın ǧalamtormen qamtylatyn bolady, dep habarlaidy "Adyrna" ūlttyq portaly.
Būl turaly QR Sifrlyq damu, innovasiialar jäne aeroǧaryş önerkäsıbı ministrınıŋ orynbasary Dosjan Mūsaliev mälımdegen.
BAQ-ta taraǧan derekke säikes, elımızde 6 myŋnan astam auyl bar. Onyŋ 4850-ı keŋ jolaqty internetke qosylǧan. Alaida 1049 auyl älı de bailanys aiasynan tys qalyp otyr. Būl eldı mekenderde 200 myŋǧa juyq halyq tūrady.
Atalǧan mäselenı şeşu üşın «Qoljetımdı internet» jobasy äzırlengen. Joba aiasynda 3G bailanysy bar, bıraq internet jyldamdyǧy tömen auyldar da eskerılıp otyr.
Sonymen qatar, jol boiyndaǧy mobildı bailanysty jaqsartu maqsatynda kemınde 387 bailanys baǧanasy ornatu josparlanǧan.
«Būl baǧytqa şamamen 120 milliard teŋge kölemınde investisiia tartylady», – dedı vise-ministr Dosjan Mūsaliev.
