Mäjılıs Spikerı, «AMANAT» partiiasynyŋ Töraǧasy Erlan Qoşanov «Jastar Ruhy» respublikalyq jastar saiasi lagerınıŋ «Bır tolqynda» dialog alaŋynyŋ jūmysyna qatysty. Şyǧys Qazaqstan oblysynyŋ Gornaia Ulbinka auylynda elımızdıŋ barlyq öŋırınen kelgen 500-ge juyq delegat bas qosty. Sondai-aq ıs-şaraǧa Ǧylym jäne joǧary bılım ministrı Saiasat Nūrbek pen Şyǧys Qazaqstan oblysynyŋ äkımı Nūrymbet Saqtaǧanov qatysty.
Bügınde 100 myŋǧa juyq jas azamatty bırıktırıp otyrǧan «Jastar Ruhy» jastar qanaty elımızdegı eŋ ırı jastar ūiymy sanalady. Tört jyl qatarynan ūiymdastyrylyp kele jatqan respublikalyq lager – jas azamattarǧa qoldau körsetudıŋ özektı mäselelerı talqylanatyn jäne tūraqty jūmys ısteitın jalǧyz jastar alaŋy.
Erlan Qoşanov atap ötkendei, «Jastar Ruhynyŋ» atqaryp jatqan jūmysyna bır kezderı tıkelei Memleket basşysy Qasym-Jomart Toqaev erekşe serpın berdı. Prezident jastar üşın asa maŋyzdy üş negızgı basymdyqty belgıledı. Olar –tereŋ bılım, eŋbekqorlyq jäne otanşyldyq qasiet. Däl osy qasietter jaŋa buynnyŋ sapasyn aiqyndaidy.
«Patriotizm degenımız – halqyŋa adal qyzmet etu, tarihyŋdy bılu, tılıŋdı qūrmetteu, eŋ bastysy şeşuşı sätte Otanǧa qol ūşyn sozuǧa daiyn bolu. Būl – jalaŋ ūran emes.Bastysy – Otanyŋa adal, otbasyŋa qamqor bolu jäne memleket müddesın bärınen joǧary qoia bılu.Prezidenttıŋ är bastamasy men ideialarynyŋ özegınde osyndai qarapaiym da qasterlı qūndylyqtar jatyr. Zaŋ men Tärtıp üstemdıgı, «Adal azamat» tūjyrymdamasy, «Taza Qazaqstan» jalpyūlttyq qozǧalysy siiaqty ızgı bastamalardyŋ bärı – Ädılettı Qazaqstan qūrudyŋ alǧyşarty», – dedı ol.
«AMANAT» partiiasynyŋ Töraǧasy Prezident Qasym-Jomart Toqaevtyŋ bastamasymen 2025 jyl Jūmysşy mamandyqtary jyly dep jariialanǧanyn eske saldy. Būl şeşım qoǧam igılıgı jolynda adal eŋbek etıp jürgen jandarǧa qoldau körsetuge baǧyttalǧan. Biyl jastar lagerınde 200-ge juyq jas azamat, iaǧni jūmysşy mamandyq ökılderı – injenerler, kenşıler, metallurgter, bır sözben aitqanda, ekonomikany kün saiyn öz eŋbegımen alǧa jeteleitınder bas qosty.
«Adal azamat qaşan da abyroily, adal eŋbek qaşan da baǧaly. Jūmysşy jastar bızdıŋ nazarymyzdan tys qalmauy kerek. Bız olardy ünemı qoldap, erekşe köŋıl böluımız qajet. Osy rette, «AMANAT» partiiasy Ükımetpen bırge «Jūmysşy jastar amanaty» degen jaŋa jobany bastaiyn dep otyr. Jobanyŋ maqsaty – jūmysşy jastardyŋ äleumettık mäselesın, sonyŋ ışınde tūrǧyn üimen qamtamasyz etu jäne kadrlyq äleuettı damytu mäselelerın şeşuge yqpal etu», – dedı ol.
Mäjılıs Spikerı daryndy köşbasşylardy däl osy jūmysşy jastardyŋ arasynan ızdeu, olardy partiianyŋ kadrlyq rezervıne qosu, memlekettık qyzmette ösuıne kömektesu, deputattyq korpusqa jäne türlı saladaǧy basşylyq lauazymdarǧa ūsynu qajet ekenın atap öttı. Sonyŋ bır jarqyn mysaly – būryn ken baiytu fabrikasynda jūmys ıstegen Sätbaev qalasynyŋ
Erlan Qoşanov qazırgı zamannyŋ jaŋa syn-qaterlerı turaly aita kele, jasandy intellekt pen sifrlandyrudy damytu mäselesıne erekşe nazar audardy. Memleket basşysynyŋ bastamasymen Jasandy intellekt jönındegı halyqaralyq konsultativtık keŋes qūryluda. Mäjılıs deputattary bırınşı oqylymda jasandy intellekt turaly zaŋ jobasyn qabyldady. Sifrlyq kodekstı äzırleu jūmysy jalǧasuda. Al biyl qyrküiekte Mäjılıs alaŋynda jasandy intellekt mäselelerı boiynşa parlamenttık tyŋdaular ötedı. Oǧan osy jiynda bas qosyp otyrǧan jastar da qatysa alady. Sondai-aq partiia Töraǧasy tek jas ǧalymdardyŋ ǧylymi qyzmetıne arnalǧan grant bölu boiynşa jeke kvota engızu mümkındıgın qarastyrudy ūsyndy.
Mäjılıs Spikerı «Jastar Ruhynyŋ»belsendılerı eŋ özektı taqyryptardy talqylaujūmysynan eşqaşan şet qalmaǧanyn erekşe atap öttı. Mäselen, byltyr Türkıstan oblysynda ötken lager otyrysynda qūmar oiyn, naşaqorlyq, nesiege belşeden batu, jūmyssyzdyq jäne özge demäselelerdı şeşu boiynşa köp ūsynys aityldy. Nätijesınde, onyŋ bärı «AMANAT» partiiasynyŋ bastamasymen zaŋ aiasynda körınıs tauyp, bügınde memlekettık deŋgeide jüielı türde şeşılude. Būl – jastar pıkırtalasynyŋ tiımdılıgın körsetken jarqyn mysal.
Osylaişa, «Jastar Ruhynyŋ» belsendılerıortaǧa salǧan ūsynystar oŋ özgerıster men damudyŋ qozǧauşy küşıne ainaluda. Ruhtastar Memleket basşysynyŋ «Taza Qazaqstan»bastamasyna alǧaşqylardyŋ bırı bolyp ün qosyp, olardyŋ airyqşa atsalysuy arqyly būl bastamaekologiialyq aksiiadan jaŋaşa oilau täsılın qalyptastyratyn jalpyūlttyq qozǧalysqa ūlasty. Jas partiialastar qiyn jaǧdailarda jäne tabiǧi apattar kezınde alǧaşqylardyŋ bırı bolyp ärqaşan kömekke kelıp, azamattyq jauapkerşılıktıŋ jarqyn ülgısın körsetıp jür.
Aita keteiık, byltyr AES salu mäselesı boiynşa pıkırtalas jastar lagerı alaŋynda da keŋqoldau tapty. Auqymdy aqparattyq-tüsındıru jūmysynyŋ nätijesınde, el azamattarynyŋ basymköpşılıgı Prezidenttıŋ progressivtı bastamasynaqoldau bıldırdı. Eŋ bastysy, jas köşbasşylar qoǧamnyŋ atom energetikasyna qatysty barlyq qorqynyşyn jeŋuge kömektestı.
Otyrys barysynda bırqatar delegat söz söiledı. Mäselen, «Qazaqstan aliuminiiı» AQ jastar keŋesınıŋ töraǧasy Damir Baimaǧambetov atalǧan käsıporyndaǧy jastardy qoldau şaralary turaly aitty. Jas mamandarǧa segız jylǧa deiıngı merzımge tegın jaldamaly baspana berıledı. Ony jeŋıldetılgen şarttarmen satyp alu mümkındıgıbar. «AMANAT» partiiasy osy täjıribenı özge deöndırıstık käsıporyndarda da ılgerıletuge niettı.
Ridderdegı gidrometallurg Olga Uşakova jasöspırımderdıŋ jūmysşy mamandyqtaryna degen qyzyǧuşylyǧyn oiatu üşın mektepterde käsıptık baǧdar beru jūmysyn damytudy ūsyndy.
Jalpy, lager jūmysyna Qazaqstannyŋ tükpır-tükpırınen kelgen jas köşbasşylar, memleket jäne qoǧam qairatkerlerı, Mäjılıstegı«AMANAT» partiiasy fraksiiasynyŋ deputattary qatysuda. Biyl 7-10 şılde aralyǧynda jas delegattar qarqyndy seminarlar men treningterge, eŋ özektı taqyryptar talqylanatynqyzu pıkırtalastarǧa qatysady, täjıribe almasady. Sonymen qatar olar «Altai-2025» etnofestivalıne qatysady.
