Foto: digital business
1 qyrküiekten bastap Qazaqstandaǧy aiyrbastau beketterı valiuta baǧamdary körsetılgen elektrondyq tablony alyp tastauǧa mındettı bolady. Ūlttyq bank töraǧasy Timur Süleimenov valiuta baǧamynyŋ tablosyn ǧimarat ışıne kırgızbegen aiyrbastau beketterıne qandai şara qoldanylatynyn aitty, dep habarlaidy “Adyrna”.
Ūlttyq bank basşysy būl talapqa baǧynbaǧan käsıpkerlerge qandai şara qoldanylatynyn aitty.
Timur Süleimenovtıŋ aituynşa, eger aiyrbastau oryndary būl talapty oryndamasa, olarǧa aiyppūl salynady. Būl üşın jauapkerşılık elımızdıŋ Äkımşılık kodeksınde qarastyrylǧan. Aiyppūl mölşerı 3-ten 5 ailyq eseptık körsetkışke deiın, iaǧni şamamen 12 myŋnan 19 myŋ teŋgenı qūrauy yqtimal.
Süleimenov atap ötkendei, būl mäselenı Ūlttyq banktıŋ öŋırlık filialdary baqylap otyrady.
Būl özgerıs valiuta naryǧyndaǧy aşyq emes jarnama men adamdardy jaŋylystyrudyŋ aldyn alu üşın jasalyp otyr. Ūlttyq bank aiyrbastau punkterınıŋ syrtqy aqparattyq qūraldar arqyly klientterdı «arzan baǧamen» tartu äreketın şekteuge niettı.
Valiuta kursy jazylǧan tablony alyp tastau mäselesı säuır aiynda köterıldı. Sol kezde Ūlttyq bank arnaiy qauly jobasyn jariialaǧan. Al ŪB töraǧasy Timur Süleimenov «kurs jazylǧan tablo – toqsanynşy jyldardan qalǧan anahronizm» dep mälımdegen.
Aiyrbastau punktterı qauymdastyǧy būl jaŋalyqqa qarsy şyqty. Olar kurs jazylǧan tablo äleumettık maŋyzy bar aqparat retınde aşyq ılınuı kerek, qauıpsızdıkke eş äserı joq dep esepteidı.
