Mäjılıs deputaty Sergei Ponomariov elımızdegı orys tıldı azamattar memlekettık tıldı belsendı meŋgeru kerek ekenın aitty, dep habarlaidy “Adyrna” ūlttyq portaly.
Onyŋ aituynşa, qazaq tılın bılu - tūlǧalyq ärı qoǧamdyq damuǧa, sondai-aq ūltaralyq tatulyqty nyǧaituǧa yqpal etedı.
Ponomariov syrtqy yqpaldar qaupıne alaŋdauşylyq bıldırıp, etnostardyŋ bırıgu qajet ekenın alǧa tartty. Ol halyqaralyq şielenıster aiasynda el ışındegı bırlıktı saqtau maŋyzdy ekenın aitty.
Sergei Ponomariov — «Amanat» partiiasynan sailanǧan mäjılıs deputaty.
Qazaqstan Prezidentı Qasym-Jomart Toqaev qazaq tılı bedeldı ärı keŋ qoldanylatyn tılge ainaluy qajet ekenın basa aitty. Sonymen qatar ol tıldı jetık bılmeitın azamattardyŋ qūqyqtary şektelmeuı tiıs ekenıne aksent qoidy.
Sondai-aq Memleket basşysy qazaq tılınıŋ qoldanu aiasyn keŋeitıp, ony ǧylym men tehnika tılıne ainaldyrudy, qazaq tıldı jobalar men sifrlyq kontenttı koldaudy tapsyrdy. Būl memlekettık tıldıŋ bılım beru, ıskerlık jene mediasalada erkın qoldanyluyn kamtamasyz etu üşın qajet.
