18 şıldede Qazaqstannyŋ densaulyq saqtau ministrı Aqmaral Älnazarova elımızdıŋ barlyq tūrǧyndaryna ündeu jasady, dep habarlaidy “Adyrna”.
Ol özınıŋ Instagram paraqşasynda jaqynda medisina qyzmetkerlerıne jasalǧan şabuylǧa qatysty pıkır bıldırdı.
"Qūrmettı qazaqstandyqtar! Sızderge perzenthanada meiırger, balalar auruhanasynyŋ qabyldau bölımınde kezekşı jäne ordinator därıger bolyp jūmys ıstegen maman retınde ün qatqym keledı: medisina qyzmetkerlerıne qarsy zorlyq-zombylyqty toqtatyŋyzdar”, dedı Aqmaral Älnazarova
Qaraǧandyda medbikege şabuyl jasalǧan jäne Qostanaidaǧy ekı şabuylǧa ministr osylai jauap berdı. Ministr qyrküiekte medisina qyzmetkerlerıne şabuyl jasaǧany üşın jazany qataitatyn zaŋnamalyq tüzetuler Parlamentke engızıletının eske saldy.
"Bız taǧy da Qaraǧandy men Qostanaida oryn alǧan ekı soraqy jaǧdaiǧa kuä bolyp otyrmyz. Qaraǧandyda jeke klinikanyŋ meiırgerıne şabuyl jasaldy. Qostanai oblystyq auruhanasynda urologiia bölımınıŋ jas hirurgı qatygezdıkpen soqqyǧa jyǧyldy. Pasient öz kezegın kütkısı kelmegendıkten, därıgerdı bır ūryp, esınen tandyrǧan. Qazır därıger reanimasiiada. Jaǧdaiy – auyr. Adam ömırın araşalap jürgen janǧa qol köteru üşın adam qanşalyqty deŋgeide qatıgez jäne meiırımsız boluy kerek?” dedı Aqmaral Älnazarova.
Beibıt uaqytta därıgerlerdıŋ öz jūmys ornynda ömırıne qauıp tönıp otyruy – aqylǧa qonbaityn, mülde
"Būl – tek bır därıgerge jasalǧan şabuyl emes. Būl – ondaǧan pasienttıŋ qarausyz qaluy, ondaǧan operasiianyŋ keiınge şegerıluı. Būl – bükıl densaulyq saqtau jüiesıne töngen tıkelei soqqy. Şabuyl jasalǧan qabyldau bölımderı – onsyz da qauıpı joǧary aimaqtar.
Medisina qyzmetkerlerıne qarsy zorlyq-zombylyqtyŋ jiılep ketuıne bailanysty Işkı ıster ministrımen bırlesıp, şūǧyl türde urgenttık stasionarlardyŋ, balalar jäne perinataldyq ortalyqtardyŋ qabyldau bölımderınde täulık boiy küzet posttaryn küşeitu turaly şeşım qabyldandy", – dep oiyn jetkızdı Älnazarova.
Sondai-aq, ol barlyq medisinalyq ūiymdar beinebaqylau jüiesımen, küzetpen jäne dabyl batyrmalarymen qamtamasyz etıluı tiıs ekenın aita kettı.
"Taǧy da barşaŋyzdy barlyq deŋgeide örkeniettı qarym-qatynas mädenietın saqtauǧa şaqyramyn. Bız balalarǧa jas kezınen medisina qyzmetkerlerınıŋ eŋbegın qūrmetteudı, alǧys aitu mädenietın üiretuımız kerek. Japa şekken ärıptesımızdıŋ ömırın saqtau üşın Densaulyq saqtau ministrlıgı barlyq qajettı ärı batyl şaralardy qabyldaityn bolady”, dedı Aqmaral Älnazarova
Erteŋ därıger sanitariialyq aviasiiamen Ūlttyq şūǧyl medisinany üilestıru ortalyǧyna jetkızılıp, bılıktı mamandardyŋ qatysuymen ärı qarai em qabyldaidy.
