Özbekstanda Moŋǧoliiadan ūsaq mal importtaityn käsıpkerlerge memlekettık qoldau körsetılmek, dep habarlaidy "Adyrna" ūlttyq portaly.
Būl turaly el prezidentı Şavkat Mirziioevtıŋ 18 şıldede qol qoiǧan qaulysynda aitylǧan.
Qūjatqa säikes, 2025 jylǧy 1 tamyzdan bastap 2027 jylǧy 31 jeltoqsanǧa deiın Moŋǧoliiadan mal äkeluşı käsıpkerlerge jyldyq mölşerlemesı 10% bolatyn 5 jyldyq jeŋıldetılgen nesieler ūsynylady. Onyŋ ışınde banktıŋ marjasy – tek 3%. Sonymen qatar, äkelıngen maldy ūşaqpen jetkızu şyǧyndarynyŋ 50%-y memlekettık biudjet esebınen öteledı. Qosymşa qūn salyǧyn töleu merzımı keiınge şegerıledı, oǧan paiyz eseptelmeidı ärı kepılzat talap etılmeidı.
Kemınde 1000 bas mal äkeletın käsıpkerlerge Qaraqalpaqstan, Būhara, Nauai, Samarqan, Jyzaq, Qaşqadariia jäne Surhandariia oblystaryndaǧy jaiylymdyq jerler tıkelei jer qorynan jalǧa berıledı. Alaida būǧan qoiylatyn basty şart – mal basyn seleksiialau jäne jusan,
Özbekstan bilıgı 2027 jylǧa deiın Moŋǧoliiadan 100 myŋ bas ūsaq mal satyp aludy, al 2029 jylǧa qarai olardyŋ sanyn 1 millionǧa jetkızudı közdep otyr. Būl bastama joǧary sapaly jün men kaşemir öndıruge beiım mal tūqymdaryn äkeluge, ärı olardy el ışınde öŋdeuge mümkındık beredı.
Būdan bölek, Özbekstan men Moŋǧoliia arasyndaǧy agrosalalyq kelısım aiasynda özbek jemıs-jidek, kökönıs jäne özge de önımderınıŋ eksportyn 10 esege deiın arttyru, jün öŋdeitın jäne kaşemir önımderın öndıretın zauyttar salu, ekı elde sauda üilerın aşu, körmeler men biznes-missiialar ūiymdastyru josparlanǧan. Sondai-aq, 2026/2027 oqu jylynan bastap Taşkent agrarlyq universitetı men Moŋǧoliianyŋ Tabiǧi ǧylymdar universitetı bırlesken magistratura baǧdarlamasyn ıske qospaq.
