AQŞ prezidentı Donald Tramptan sozylmaly venalyq jetıspeuşılık diagnozy qoiyldy, dep habarlaidy "Adyrna" ūlttyq portaly Bloomberg agenttıgıne sıltep.
Aq üidıŋ baspasöz hatşysy Kerolain Livittıŋ aituynşa, 79 jastaǧy memleket basşysy medisinalyq tekseruden ötken. Būǧan deiın jūrtşylyq Tramptyŋ aiaqtarynyŋ ısıp, qolynda kögergen ızder paida bolǧanyn baiqaǧan.
"Därıgerler ısınudıŋ tamyrlardyŋ qyzmetınıŋ būzyluynan ekenın anyqtady. Būl - 70 jastan asqan adamdar arasynda keŋ taralǧan jaǧdai, ärbır jiyrmasynşy eresek adamda kezdesedı", — dedı Livitt.
Sondai-aq, baspasöz hatşysy kögergen ızderdıŋ
Aq üidıŋ därıgerı Şon Barbabellanyŋ aituynşa, prezidenttıŋ boiynda tereŋ köktamyr trombozy, arteriialyq aurular, jürek nemese büirek jetkılıksızdıgı belgılerı joq. Qandy taldau nätijelerı de qalypty şekterde. Därıgerlerdıŋ sözınşe, Donald Tramp eşqandai fizikalyq jaisyzdyq sezınbeidı.
"Prezident densaulyǧy öte jaqsy jaǧdaida", — dep mälımdedı Barbabella öz qyzmettık jazbasynda.
