Qazaqstandyq bloger Qytaidyŋ Guanchjou qalasynda “ūrlyq joq” degen qauesetke bailanysty qoǧamdyq orynda arandatu äreketterın jasaǧany üşın jergılıktı qūqyq qorǧau organdarynyŋ nazaryna ılıktı, dep habarlaidy "Adyrna" ūlttyq portaly Tengri Life-qa sıltep.
Sohu portalynyŋ mälımetınşe, bloger aldyn ala tanysymen kelısıp, metro ışınde onyŋ qaltasynan telefondy alyp şyǧyp, ony ainalasyndaǧy adamdarǧa ūsynǧan. Keiın “telefon joǧaldy” dep, sol maŋdaǧy jolauşylardy “ūrlyq jasady” dep aiyptap, olardy köpşılık aldynda “ūrylar” dep ataǧan.
Sonymen qatar, ol köşede beitanys er adamdarǧa jaqyndap, qoldarynan ūstaǧan. Qytailyq BAQ deregınşe, bloger bır jas jıgıtke jaqyndap, sanynan ūstap, ol keiın şegıngende, qolynan tartyp ūstaǧany aityldy.
Taǧy bır beinede ol beitanys qyzǧa iyǧymen süienıp, ony şoşytqan. Būl äreketterın bloger “äleumettık eksperiment” dep tüsındırgenımen, qytailyq internet qoldanuşylar mūny äielder qūqyǧyn qorǧau zaŋy boiynşa seksualdyq qudalau dep baǧalaǧan.
Būdan bölek, blogerdıŋ adamdardyŋ rūqsatynsyz beinerolik tüsırıp, qoǧamdyq orynda janjal tuǧyzǧany, sondai-aq jalǧan aiyptaular jasaǧany belgılı boldy. Būl äreketter Qytai zaŋdaryna säikes äkımşılık, azamattyq, tıptı qylmystyq jauapkerşılıkke äkep soǧuy mümkın.
Säikesınşe, blogerdıŋ barlyq akkaunttary qytailyq platformalarda būǧattalyp, videolary joiyldy. Guanchjou qalasynyŋ polisiiasy oqiǧaǧa qatysty tekseru jūmystaryn bastaǧan.
Aita keteiık, blogerdıŋ özı de keiınnen barlyq äleumettık jelılerdegı videolaryn öşırgen.
