AQŞ prezidentı Donald Tramp ukrainalyq ärıptesı Vladimir Zelenskiidıŋ älı künge deiın beibıt kelısım jobasymen tanyspaǧanyna köŋılı qalǧanyn mälımdedı. Ol būl turaly Djon Kennedi atyndaǧy oryndauşylyq öner ortalyǧynda ötken räsım barysynda aitty, dep habarlaidy «Adyrna» tılşısı lenta.ru-ǧa sılteme jasap.
«Zelenskiidıŋ älı būl ūsynysty oqymaǧany menıŋ köŋılımdı qaldyrdy», – dedı amerikalyq köşbasşy.
Onyŋ aituynşa, Ukraina prezidentınıŋ ainalasyndaǧy adamdar Vaşington ūsynǧan josparǧa airyqşa riza bolǧan. Alaida Zelenskiidıŋ ony ūnatyp-ūnatpaǧany äzırge belgısız.
2 jeltoqsanda Zelenskii Kiev pen Vaşington 20 tarmaqtan tūratyn beibıt jospar äzırlegenın aitqan edı. Onyŋ sözınşe, Ukraina men AQŞ amerikalyq tarap ūsynǧan bastapqy «jol kartasyn» qaita qarap, ony 20 tarmaqqa beiımdegen. Zelenskii Jenevadaǧy kelıssözder barysynda 28 tarmaqtan tūrǧan bastapqy tızım qysqartylyp, ötken demalys künderı Floridada naqtylanǧanyn atap öttı.
Sondai-aq ol «keibır tarmaqtar älı de qosymşa pysyqtaudy qajet etedı» dep mälımdedı. Zelenskii būl qūjatty Ukrainada beibıtşılık ornatu jolyndaǧy «eŋ kürdelı, bıraq eŋ ümıt küttıretın kezeŋderdıŋ bırı» dep sipattady.
